Футбол бўйича ўртоқлик ўйинида «ПСЖ» 19 январь, пайшанба куни «Ал-Ҳилол» ва «Ан-Насср» юлдузларидан иборат жамоага қарши баҳс олиб борди.
Учрашувнинг 3-дақиқасидаёқ Лионель Месси парижликларни ҳисобда олдинга олиб чиқди. 34-дақиқада Криштиану Роналду пенальтидан фойдаланиб, мувозанатни тиклади. 39-дақиқада Париж жамоаси Хуан Бернатнинг четлатилишидан кейин бир ўйинчи кам бўлиб қолди.
43-дақиқада Маркиньос Килиан Мбаппенинг узатмасини голга айлантирди. Биринчи бўлим якунида Роналду яна бир бор гол уриб, ҳисобни тенглаштирди. Жамоалар танаффусга дуранг натижа билан чиқиб кетди.
Иккинчи бўлим ҳам голлар шоусига айланиб кетди. Дастлаб 53-дақиқада Серхио Рамос ўз ҳисобига гол ёздириб қўйган бўлса, орадан 3 дақиқа ўтиб Чан Ҳён Су ҳисобни 3:3 кўринишига олиб келди.
60-дақиқада Килиан Мбаппе пенальтини аниқ амалга оширди. 78-дақиқада Уго Экитике Париж клубининг 5-голига муаллифлик қилди. Ўйин якунлашига саноқли сониялар қолганда Талиска ҳисобни қисқартирди.
Шу тариқа «ПСЖ» 5:4 ҳисобида зафар қучди.
Ўртоқлик ўйини
19 январь, пайшанба
«Ан-Насср» / «Ал-Ҳилол» — «ПСЖ» 4:5
Голлар: 0:1 – Месси (3), 1:1 – Роналду (34, пенальти), 1:2 – Маркиньос (43), 2:2 – Роналду (45+6), 2:3 – Рамос (53), 3:3 – Чан Ҳён Су (56), 3:4 – Мбаппе (60, пенальти), 3:5 – Экитике (78), 4:5 — Талиска (90+4).«ПСЖ»: Навас (Доннарумма, 62), Ҳакими (Пембеле, 62), Маркиньос (Данилу, 46), Рамос (Бицҳиабу, 62), Бернат, Руис (Мендеш, 62), Солер (Гарби, 62), Саншеш (Витиня, 46), Неймар (Заир-Эмери, 62), Месси (Кари, 62), Мбаппе (Экитике, 62).
«Ан-Насср»/«Ал-Ҳилол»: Ал-Овайс, Чан Ҳён Су, Ал-Булайхи, Ал-Ғанам (Ал-Авжами, 46), Абдулҳамид, Густаво, Ал-Ҳайбари (Канно, 61), Мартинес (Каррильо, 61), Марега (Талиска, 46), Роналду (Матеус Перейра, 61).
Четлатиш: Бернат (39).
Изоҳ (0)