“Барселона” бош мураббийи Ҳанси-Дитер Флик жамоа ярим ҳимоячиси Педри ҳақида ўз фикрларини билдириб ўтди.
Немис мутахассисининг фикрича, Педри каталонияликларнинг энг муҳим футболчиси ҳисобланади:
Рафинья Педрини жамоанинг юраги деб айтди? Айнан шундай. Педри — фантастик футболчи. У тўпга тегиниши билан ақл бовар қилмайдиган ҳаракатларни амалга оширади. У доим ўз устида ишлайди ва ўсишда давом этмоқда. Мен “Валенсия”га қарши ўйинни яхши эслайман: биз Педрини иккинчи бўлимда майдонга туширдик ва у бутун ўйиннинг боришини ўзгартириб юборди, дейди Флик Барcа Универсал нашрига берган интервьюсида.
22 ёшли испаниялик футболчи 2024/25 йилги мавсум “Барселона”нинг барча турнирлар доирасидаги 59 та учрашувида майдонга тушди, ўз ҳисобига 6 та гол ва 8 та голли узатма ёздириб қўйди. Унинг клуб билан шартномаси 2030 йилнинг ёзига қадар амал қилади. Transfermarkt портали ярим ҳимоячининг қийматини 120 миллион еврога баҳолаган.
Эслатиб ўтамиз, “Барселона” якунланган мавсумда Ла Лига чемпионлигини қўлга киритди.
Изоҳ (0)