Францияда 62 ёшли эркак узоқ муддатли дам олиш сафарига йўлга чиққанида, рафиқасини ёқилғи қуйиш шохобчасида унутиб қолдирганини эслаб полицияга мурожаат қилди.
Оила 5 июнь куни шахсий автомобилида Париждан Марокашга йўлга чиқди. Йўлда эр эрталаб соат 4:30 да ёқилғи қуйиш шохобчасига кирди. 300 км ўтгач, у охирги бекатда хотинини унутиб қолдирганини тушунди.
Эркак шу заҳотиёқ фавқулодда хизматларга мурожаат қилган. У воқеа тафсилотларини тушунтира бошлаганида, хотини айнан қайси ёқилғи қуйиш шохобчасида қолганини эслай олмади. Машинада эркакдан ташқари 22 ёшли қиз ҳам бўлган, у шу пайтда ухлаб қолган. Кейинчалик маълум бўлишича, тўхташ жойи Орлеан яқинида бўлган. “Бизга қўнғироқ эрталаб соат 8:30 атрофида бўлган”, дейди полиция.
Полиция автомагистрал бўйлаб бир нечта дам олиш жойларини текширганига қарамай, йўқолган аёлни топа олмади. Ҳуқуқ-тартибот идоралари ходимлари 62 ёшли эркак аёлни атайлаб унутиб қолдирганидан шубҳалана бошлади.
Шунга қарамай, кейинчалик мутахассислар уяли алоқа оператори маълумотлари туфайли йўқолган аёлни топишди. Улар аёлнинг телефонини кузатишди ва у Де-Севре шаҳридаги автомагистралдаги техник хизмат кўрсатиш станциясида бўлганини аниқлашди. Аёл эрталаб соат 4:30 дан бери оиласи қайтишини кутиб, жойидан қимирламаган.
Шундан сўнг, ходимлар кичик сўровнома ўтказиб, эркак турмуш ўртоғини атайлаб ташлаб кетмаганига ишонч ҳосил қилишди. Сўнгра, оила автомобиль саёҳатини давом эттирди.
Изоҳ (0)