Мадриднинг “Реал” клуби ва Уругвай терма жамоаси ярим ҳимоячиси Федерико Вальверде 2024/25 йилги мавсумда дунё футболи тарихида майдонда энг узоқ вақт ҳаракат қилган футболчига айланди. Бу ҳақда Испаниянинг Marca нашри хабар берди.
25 ёшли футболчи ўтган мавсумда жами 72 та расмий учрашувда иштирок этди. У “Реал” ва Уругвай терма жамоаси сафида умумий ҳисобда 6116 дақиқа майдонда ҳаракат қилган — бу рекорд кўрсаткич ҳисобланади.
Мазкур рейтингда иккинчи ўринни “Манчестер Юнайтед” ва Португалия терма жамоаси ярим ҳимоячиси Бруну Фернандеш эгаллади. У 66 та учрашувда жами 5796 дақиқа майдонда бўлган. Учинчи ўрин эса “Милан” ва Франция терма жамоаси дарвозабони Майк Меньянга насиб этди — у 63 ўйинда 5624 дақиқа ўйнаган.
Майдонда энг узоқ вақт ҳаракат қилган футболчига ўнталигидан қуйидаги футболчилар ҳам жой олди:
- Жошуа Киммих (“Бавария”)
- Йошко Гвардиол (“Манчестер Сити”)
- Давид Райя (“Арсенал”)
- Ашраф Ҳакими (“ПСЖ”)
- Марк Кукуреля (“Челси”)
- Ян Облак (“Атлетико Мадрид”)
- Виржил ван Дейк (“Ливерпуль”)
Юқорида номи келтирилган футболчиларнинг барчаси мавсум давомида 5000 дақиқадан ортиқ вақтни майдонда ўтказган.
Изоҳ (0)