Буюк Британия парламентининг 60 га яқин аъзоси Фаластин давлатини дарҳол тан олишни талаб қилди. Бу чақириқ Исроил мудофаа вазири ғазоликларни Рафаҳ харобаларида қуриладиган лагерга мажбуран кўчириш режасини эълон қилганидан сўнг янгради.
Ташаббус Лейбористлар партиясининг марказчи ва сўл қанот депутатларидан чиққан бўлиб, улар ташқи ишлар вазири Девид Леммига хат йўлади. Унда Ғазода этник тозалаш содир бўлаётгани айтилади.
Депутатлар ҳукуматдан Исроилнинг Рафаҳ бўйича режасига тўсқинлик қилиш учун зудлик билан чора кўришни, шунингдек Фаластин давлатини расман тан олишни талаб қилишмоқда.
Бу мактуб Франция президенти Эммануэл Макроннинг Буюк Британия бош вазири Кеир Стармер билан қўшма матбуот анжуманидан сўнг юборилган. Ўшанда икки давлат раҳбарлари Фаластинни тан олиш бўйича баёнот берган эди.
“Биз сизга Исроил мудофаа вазирининг душанба куни эълон қилган, барча ғазоликларни Рафаҳ харобаларида жойлашган лагерга мажбуран кўчириш режасига оид ташвишларимизни билдириш учун мурожаат қиляпмиз. Исроилдаги етакчи инсон ҳуқуқлари юристи Михаил Сфрад буни ъинсониятга қарши жиноятни амалга ошириш бўйича ҳарбий режаъ деб таърифлади. Шунингдек аҳолини Ғазо жанубига кўчириш ва уларни минтақадан бутунлай депортация қилишга тайёргарлик сифатида баҳолади”, дейилади мактубда.
Депутатлар ҳукуматдан бешта йўналишда ҳаракат қилишни сўради. Уларнинг айримлари, хусусан, UNRWA (Фаластин қочқинлари бўйича БМТ агентлиги)га молиявий ёрдам кўрсатиш ва ҲАМАС ихтиёрида сақланаётган исроилликларни озод этиш бўйича ишлар бормоқда.
-EHAS3roP.avif)
Аммо бошқа бандлар, хусусан, Ғарбий Соҳилда ноқомуний қурилган Исроил маҳаллалари билан савдони чеклаш ва Фаластин давлатини зудлик билан тан олиш кабиларга эришиш осон бўлмаслиги мумкин.
“Фаластинни давлат сифатида тан олмаслигимиз билан биз икки давлат ечими сиёсатимизни заифлаштирамиз ва статус-квонинг давом этишига, Фаластин ҳудудларининг амалда йўқ бўлиб кетишига имкон яратамиз”, дея огоҳлантирган депутатлар.
Британия ҳукумати Фаластинни тан олиш масаласини “тинчлик жараёнининг бир қисми” сифатида кўради. Бироқ бу айнан қачон амалга ошиши айтилмаган.
“Биз Фаластин давлатини тан олишга содиқмиз ва буни тинчлик жараёнини қўллаб-қувватлаш мақсадида энг катта таъсирга эга бўлган вақтда амалга оширамиз”, деган Британия ТИВ вакили.
Ушбу мактуб Лейбористлар партияси депутатларининг сўнгги ҳафталардаги иккинчи мурожаати ҳисобланади, аммо бу сафар улар ўз исмларини очиқ эълон қилишган. Аввалги хатга айрим парламент ёрдамчилари ва кичик вазирлар ҳам имзо қўйган эди.
Изоҳ (0)