Франция ички ишлар вазирлиги Париж ҳудудида жиноятчилик кўпайганини қайд этди

Ўтган ҳафтада Париж ва унинг атрофида содир этилган жиноятлар сони кўпайди, деб хабар берди Франция ОАВ мамлакат ички ишлар вазирлигига таяниб.

Ушбу маълумотларга кўра, зўравонлик билан содир этилган ўғирликлар сони ўтган ҳафтага нисбатан 17 фоизга, куч ишлатмасдан содир этилган ўғирликлар 6 фоизга, жамоат транспортида содир этилган ўғирликлар 8 фоизга ошган. Ҳужумлар сони эса 10 фоизга кўпайган.

Айни пайтда автомобиллар билан боғлиқ ўғирликлар сони 13 фоизга камайгани қайд этилган. Франция расмийлари Париждаги ёзги Олимпия ўйинларида жиноятчиликка қарши кураш мавзусига жиддий эътибор қаратмоқда.

Ўтган ҳафта охирида Франция ички ишлар вазири Жеральд Дарманин Париждаги Олимпиада ўйинлари бошланганидан бери 200 киши ҳибсга олинганини маълум қилганди.

Иль-де-Франс минтақасидаги Олимпиада ўйинлари жойлашган ҳудудда 35 минг полиция ва жандарм, 18 минг ҳарбий хизматчи ва хусусий хавфсизлик компанияларининг бир неча минг ходимлари жойлашган.

Маълумот учун, 26 июлда бошланган Париж ёзги Олимпиада ўйинлари 11 августга қадар давом этади.