Кўпчилик тунда кузатиладиган кучли бош оғриғидан шикоят қилади. Қуйида шифокор тунги бош оғриғига нима сабаб бўлиши ҳақида маълумот беради.
“Тунги бош оғриғи апноэ (нафаснинг вақтинча тўхтаб қолиши, бруксизм — тишларни уйқуда ғичирлатиш) ва мия қон босимининг кўтарилиши билан боғлиқ муаммолар белгиси бўлиши мумкин. Шундай қилиб, апноэ ҳолатида уйқу вақтида нафас олиш вақти-вақти билан тўхтаб қолади. Мия кислород етишмаслигини ҳис қилади ва натижада айниқса эрталаб, бошда оғирлик ёки пулсация билан уйғонади”, дейди шифокор.
Бруксизмда эса уйқу пайтида жағ мушакларининг назоратсиз қисқариши ҳамда тишларнинг ғичирлаши чакка ёки энса соҳасида зўриқишни келтириб чиқариши мумкин.
“Мия ичи қон босими кўтарилганида бош айниқса, ётган ҳолатда — айнан тунда ёки эрта тонгда қаттиқ оғрийди. Уйғониб, вертикал ҳолатга ўтгандан сўнг, оғриқ камайиши мумкин. Бироқ айрим ҳолларда тунги бош оғриғи қандайдир муаммолар оқибати эмас, балки ҳеч қандай патология билан боғлиқ бўлмаган касаллик бўлиши мумкин.
Бундай ҳолда, бу гипнотик, кластер бош оғриғи ёки мигрен бўлиши мумкин. Мунтазам тунги бош оғриқларни даволаш учун шифокорга мурожаат қилиш керак: терапевт, невролог ёки сомнологлар сизга бу борада ёрдам бера олади. Шифокор тавсиясига кўра, уйқу сифатини назорат қилиш, кислород даражасини таҳлил қилиш ёки мия ичи қон босимини текшириш тавсия этилиши мумкин”, деди шифокор.
Изоҳ (0)