Агар организм овқатни қабул қилмаса, бу жуда кўп нохуш ҳолатларни келтириб чиқаради. Бундай вазият ҳар қандай ёшда пайдо бўлиши мумкин. Дарҳол шифокор билан маслаҳатлашишнинг ҳар доим ҳам имкони бўлмаслиги мумкин, шунинг учун бу вақтда қандай ҳаракат қилиш кераклигини билиш тавсия этилади.
Нима учун организм тўсатдан овқатни қабул қилмайди? Буни қандай тузатиш керак?
Агар бирор бир озиқ-овқат қусишни келтириб чиқарса, бу ошқозон бузилишини кўрсатади. Ўзингизни ёмон ҳис қилиш турли сабабларга кўра юзага келади, жумладан:
- Сифатсиз маҳсулотлар билан заҳарланиш, гастрит ва ошқозон яраси шунга ўхшаш белгиларга эга ва овқатни рад этиш билан бирга келади. Ошқозон ости бези ва ўт пуфаги билан боғлиқ муаммолар бўлса, қўшимча равишда оғизда аччиқ таъм сезилади.
- Кўпинча аппендицит қорин оғриғи ва қусиш билан бирга намоён бўлади;
- Кучли ҳиссий стресс баъзида шунга ўхшаш ҳолатни келтириб чиқаради;
- Озиқ-овқатни рад этиш баъзи дори-дармонларни қабул қилишдан келиб чиқиши мумкин;
- Ҳаддан ташқари кўп овқатланганда ортиқча юкланган ошқозон ўзини ўзи тозалайди;
- Бу гриппнинг ён таъсири ёки бошдаги ўсимта белгиси бўлиши мумкин;
- Агар сизда мойиллик бўлса, унда ҳар қандай саёҳат кўнгил айнишини келтириб чиқаради;
- Булимия (овқат ҳазм қилиш касалликлари гуруҳига кирувчи руҳий касаллик) — қизлар семириб кетишдан қўрқиб куч билан қусиш;
Барча сабаблар жуда жиддий бўлиши мумкин. Текширувдан сўнг улар билан фақат шифокор шуғулланиши зарур.
Нима қилиш керак?
- Агар бундай муаммо юзага келса, ошқозонга ортиқча овқат юкламасликка ҳаракат қилинг, кичик қисмларда овқатланинг. Овқат жуда иссиқ ёки совуқ бўлмасин. Секин овқатланинг, луқмани яхшилаб чайнанг. Аччиқ, шўр, қизариб пишган овқатлардан сақланинг. Овқатланишни тугатгандан сўнг, тахминан ўн дақиқа ҳаракатсиз бўлинг.
- Очиқ ҳавода вақт ўтказинг ва хонани вентиляция қилинг. Ўпкаларни кислород билан тўлдирган ҳолда чуқур нафас олинг. Кўп сув ичинг. Бу ичакларни рағбатлантиради ва сувсизланганда организмдаги намликни тўлдиради.
- Агар кучли стрессни бошдан кечирган бўлсангиз, шифобахш ўсимликлардан дамланган чой ичинг, эътиборингизни ёқимли нарсага ўтказишга ҳаракат қилинг, масалан, хотиржам пиёда юринг.
- Рацион ҳақида ўйлаб кўринг, фақат янги ва табиий маҳсулотларни истеъмол қилинг. Ошқозон ишига фойдали таъсир кўрсатадиган, ортиқча юкламасдан, алоҳида парҳезни синаб кўринг. Борди-ю, ошқозон ҳар қандай овқатни рад этса, бу баъзи касалликнинг натижаси эҳтимоли бўлиши мумкин. Шунинг учун биринчи навбатда текширувдан ўтиш ва асосий сабабни бартараф этишга ҳаракат қилиш керак.
Бу муаммони енгил қабул қилмаслик керак, чунки оқибатлар жуда жиддий бўлиши эҳтимоли йўқ эмас. Шифокор ёрдами билан ошқозон ишини тиклаш учун чоралар кўришга ҳаракат қилинг ва тўғри овқатланиш ҳақида доим ғамхўрлик қилинг.
Изоҳ (0)