Шифокорлар ва олимлар саратон, хавф омиллари ва олдини олиш усуллари ҳақида кўпроқ билишади, шунинг учун ижобий кўрсаткичлар ҳар йили ўсиб бормоқда.
Нотўғри овқатланиш, чекиш ва спиртли ичимликлар саратон ривожланиш хавфини ошириши мумкинлигини ҳамма билади. Бироқ, касалликни қўзғатиши мумкин бўлган жуда кўп ноаниқ нарсалар мавжуд. Мисол учун ҳар бир уй бекасининг уйида сақланадиган буюмлар. Онколог Иван Карасев қандай нарсаларга жуда эҳтиёткорлик билан муносабатда бўлиш кераклигини маълум қилди.
Идиш ювиш гели
Шу пайтгача ҳамманинг ошхонада идиш ювиш машинаси йўқ. ликопчалар, пиёла ва стаканларни ҳар куни ювиш керак. Бунда бизга суюқ кимёвий моддалар ёрдам беради. Аммо бу эритманинг 250 мл га яқини организмга қўлларимиз орқали киришини кам одам билади.
Шифокор ошхона идишларини сувда 7-8 мартадан кўпроқ ювишни маслаҳат беради. Акс ҳолда тўпланган хўжалик кимёвий моддалари саратон ривожланишига олиб келиши мумкин. Бундан ташқари, табиий таркибга эга бўлган маҳсулотларни танлаш ёки мунтазам равишда қўлқоплардан фойдаланиш зарур.
Туш
Ҳар куни ўқишга ёки ишга кетаётган аёллар киприкларини бўяшади. Аммо оддий туш кансероген бўлиши эҳтимоли йўқ эмас.
Дезодорантлар
Ҳаётнинг бундай аёвсиз ритмида антиперспирантларсиз яшаш қийин. Улар ёқимсиз ҳидни тўсиб қўядилар, аммо уларнинг таркибидаги мутлақо хавфсиз бўлмаган компонент — алюминий (алюминий хлорид) бунинг учун жавобгардир. Сепиладиганини ёки бошқасини қўллаганда, у қўлтиқ териси орқали сўрилади ва инсон лимфа тизимига, кейин эса сут безига киради. Бунда кўкрак саратони билан касалланиш хавфи мавжуд.
Оқартирувчи тиш пастаси
Бундай “сеҳрли” пастада титан, аниқроғи, унинг тузлари бўлиши мумкин. Ёрлиқда у Э171 деб белгиланади. Албатта, бу модда тишларни оқартиришга ёрдам беради, аммо у буйраклар фаолиятини бузади, ичакдаги фойдали бактериялар сонини камайтиради, ҳатто, иммунитетни туширади.
Кир ювиш кукунлари
Фақат ҳомиладорлик пайтида эмас, балки бутун ҳаёт давомида кўпроқ табиий ювиш воситаларига устунлик бериш лозим. Афсуски, мутахассиснинг фикрига кўра, оддий кукунлар токсик таъсирга эга бўлган хлор ва бошқа баъзи реактив моддаларни ўз ичига олади. Сотиб олишдан олдин маҳсулот ёрлиғини диққат билан ўқинг!
Пластик идишлар
Пластмасса энг хавфсиз материалдан ташкил топмайди, айниқса, озиқ-овқат маҳсулотларини сақлашга мўлжаллангани. Бундай идишларда озиқ-овқатни сақламаслик ёки қиздирмаслик яхшироқдир.
Нотўғри танланган пардалар
Шаффоф пардалар аслида саратонга олиб келиши мумкин! Тўлиқ қоронғиликда ухлаган маъқул. Шифокор бундай уйқу соғлом ва чуқур бўлишини кафолатлайди. Бундан ташқари, саратон ҳужайраларининг тарқалишини блоклайдиган мелатонин ишлаб чиқаришга ёрдам берасиз. Шунинг учун ётоқхонангиз учун табиий материаллардан тайёрланган қора рангли вариантларни танланг.
Мебел ва қурилиш материаллари
Албатта, мебел ва қурилиш материалларини танлашда гўзаллик ва нархга қараймиз, лекин сифат ҳақида унутманг. Сунъий материаллар, паст сифатли елим, номаълум таркибдаги девор панеллари зарарли моддаларни чиқариши мумкин. Шу боис табиий материаллардан тайёрланган стуллар ва тўшакларни танлаш тавсия қилинади.
Мобил телефонлар
Телефондан нурланиш ҳақидаги барча гаплар ҳазил эмаслигини англаб етиш керак. Айниқса, қўнғироқлар ва суҳбатлар пайтида. “Бизда телефон ёнида ухлаб қолиш одати бор, уни доимо қўлимизда ушлаб турамиз. Радиациянинг зарари аллақачон турли тажрибаларда исботланган. Сичқонлар 24/7 телефон ёнида бўлганида, бу уларнинг умр кўриш давомийлигига салбий таъсир кўрсатди, баъзилари саратон касаллигига чалинган”, — дейди онколог.
Хавфларни фақат шифокор маслаҳати ёрдамида камайтиришингиз мумкин: масалан, қурилмани нафақат ухлаш вақтида авиапилот режимига қўйинг ва шу билан ўзингизни ҳимоя қилинг.
Изоҳ (0)