Тошкент шаҳрида Ўзбекистондаги Numa diagnostics маркази ҳамда Туркиянинг дунёга машҳур Мedipol клиникаси ўртасида ҳамкорлик меморандумини имзолаш маросими ташкил этилди.
Тадбирда туркиялик ва ўзбекистонлик таниқли шифокорлар, олимлар ва оммавий ахборот воситалари вакиллари иштирок этди.
Маросимда меморандум доирасида Numa diagnostics текширув хулосалари Туркиянинг Мedipol клиникасида тўғридан тўғри тан олиниши айтилди. Бу ўзбекистонлик беморларга қатор қулайликлар яратади.
Маросимда Мedipol клиникасининг тижорат бўйича директор ўринбосари Уйгар Ўстун нутқ сўзлаб, ҳамкорликдан катта натижалар кутилаётганини айтди.
“Мedipol клиникаси 3 та университет, 4 та университет кампуси, 10 та шифохона ва стоматология клиникаларига эга Истанбул ва Анқарадаги энг йирик тиббий хизмат кўрсатувчи ташкилотдир. Шунингдек, Туркияда тиббий туризм соҳасида етакчи саломатлик гуруҳларидан биридир. Ўтган йили биз 153 та мамлакатдан келган 40 минг нафардан ортиқ беморларга тиббий хизматлар кўрсатдик. Улар орасида ўзбекистонликлар ҳам бор. Биз Ўзбекистонда соғлиқни сақлаш соҳаси ривожига ўз ҳиссамизни қўшишдан мамнунмиз ва бунинг учун қўлимиздан келганича ёрдам берамиз”, — деди туркиялик меҳмон.
Мулоқотда Нума компаниялар гуруҳи бош директори Олимжон Абдуваҳобов диагностика марказининг имкониятлари ҳақида маълумот берди.
“Numa компанияси катталар ва болалар учун 25 хилдан ортиқ табиий маҳсулотлар, витаминлар ишлаб чиқаради. Ҳозиргача маҳсулотларимиз 90 мингдан зиёд маҳаллий ва хорижлик мижозларга етказиб берилган. 2023 йил охирида компаниямиз ҳузурида Numа диагностика маркази фаолиятини йўлга қўйдик. Марказда минга яқин турдаги анализ–таҳлиллар ва лаборатория текширувлари олиб борилади. Лабораториямиз Бутунжаҳон соғлиқни сақлаш ташкилоти томонидан тавсия этилган барча стандартларга тўла жавоб беради. Ускуналаримиз Германия ва АҚШ давлатларидан олиб келинган”,—деди компания раҳбари.
Меморандум имзоланиши муносабати билан Тошкентга Туркиядан онкология йўналишида дунёнинг кучли ўнталигига кирувчи тиббиёт фанлари доктори, профессор Аҳмет Биличи, гематолог Лайлагул Кайнар, доцент Ёнтем Яман, доцент Дилек Унал ташриф буюрди. Улар 26-27 февраль кунлари Numa diagnostics кўрсатмалари асосида ўзбекистонлик беморларни бепул кўрикдан ўтказади. Консултация учун минг нафардан ортиқ бемор рўйхатга олинган.
Тадбир доирасида Мedipol клинакасидан ташриф буюрган мутахассислар келажакдаги режалар ҳақида чиқиш қилди. Numa diagnostics жамоаси ҳам меморандумнинг тиббиётга ва аҳолига фойдали томонлари, келажакда бу келишув қандай манфаатли лойиҳа бўлиши ҳақида фикр билдирди. Мазкур келишув Туркия ва Ўзбекистон ўртасидаги ҳамдўстлик алоқаларини янада мустаҳкамлашга ҳам хизмат қилиши алоҳида таъкидланди.
Шу билан бирга, келажакда Numa компанияси ва Мedipol ўртасидаги ҳамкорлик кўлами кенгайиб бориши ҳам айтилди. Хусусан, яқин йилларда Ўзбекистонда биринчилардан бўлиб Халқаро қўшма комиссия (JCI) сертификатига эга бўлган инновацион клиника очиш режалаштирилган.
Маълумот учун, JCI — тиббий фаолиятда кўрсатиладиган хизматлар сифати учун универсал стандартлар сериясидир. Ушбу стандартлар бўйича аккредитация соғлиқни сақлаш сифатининг энг юқори даражасини билдиради. Серия стандартлари 1995 йилда Халқаро қўшма комиссия (JCI) томонидан АҚШда ишлаб чиқила бошланган.
Numa diagnostics хизматлари ҳақида қуйидаги ҳаволалар орқали батафсил маълумот олиш мумкин:
Сайт: numadiagnostics.uz
Реклама ҳуқуқи асосида.
Изоҳ (0)