Кальций организм ҳужайраларини қуришда иштирок этадиган асосий элементдир. Юрак, тиш, суяк, соч, тирноқ ва бошқаларнинг саломатлиги унинг миқдорига боғлиқ. Бу элементнинг организмдаги даражасини назорат қилиш эса жуда ҳам муҳим, деб ёзади Wday.
Кальцийни қачон қабул қилиш керак?
Кальцийни қабул қилишни бошлашдан олдин, шифокор билан маслаҳатлашиш керак. Ўз-ўзидан даволаниш мумкин эмас, чунки бу элементнинг кўплиги иштаҳанинг йўқолишига, жигар ва буйракларнинг ёмонлашишига, кўнгил айниши, қайт қилишга олиб келиши мумкин.
Шифокорлар овқатдан кейин, кечқурун кальций ичишни тавсия қилади. Олимлар инсон организмининг биологик ритми бўйича тадқиқот ўтказди. Маълум бўлишича, туш пайтида организм кальцийни минимал миқдорда, кечаси эса максимал даражада қабул қилади. Ушбу кимёвий элементнинг етишмаслиги билан организм кальцийни суяк тўқимасидан олади, бу эса бўғимлар билан боғлиқ муаммоларга олиб келади.
Кальцийни нима билан ичиш керак?
Шифокорлар кальцийни ўзини қабул қилиш етарли эмаслигига амин. Бу элемент D витамини билан бирга синтез қилинмаса, организмда сўрилмайди. Лекин шуни таъкидлаш жоизки, D витаминини ўз ичига олган маҳсулотлар кальций препаратларини қабул қилишдан 4 соат олдин истеъмол қилиниши керак. Кальций таблеткалари ушбу элементни ўз ичига олган маҳсулот билан бирга ичилиши мумкин. Булар қуйидагилар:
- кефир;
- сут;
- творог;
- қатиқ;
- йогурт.
Кальцийни қанча вақт ичиш мумкин?
Таблеткалар таркибида ушбу элементни доимий равишда ичиш мумкин эмас. Кальцийни ичиш 1-2 ойдан ошмаслиги керак. Бундай дори-дармонларни қабул қилиш вақтини фаол ўсиш даврида, суяк синишидан кейин, ҳомиладорлик даврида мослаштириш керак. Курс давомийлигини фақат тажрибали шифокор аниқ белгилаши мумкин. Курс тугагандан сўнг ушбу элементни ўз ичига олган маҳсулотларни рационга қўшиш мумкин.
Мутахассис фикри
Одамларда суякларнинг қуриши кальций ва магний етишмаслиги туфайли пайдо бўлади. Касалликнинг тиббий номи остеопороздир. Касалликлар сони бўйича у онкология, юрак-қон томир касалликлари ва диабетдан кейин 4-ўринни эгаллайди.
Остеопороз — бу суяк массасининг аста-секин камайиши. Касаллик аёлларга хос ҳисобланади ва оқ танли, нозик аёллар энг заифлар қаторига киради. Айниқса, суяк массаси менопаузанинг биринчи йилида кета бошлайди. Ушбу даврда аёл ҳар йили 20 фоизгача, кейин эса 25 фоиз суяк массасини йўқотади. Остеопорознинг асосий сабаби кальций етишмаслигидир.
- Вояга етган одамга кунига 1000 мг кальций, 50 ёшдан ошган аёлга эса 1200 мг керак бўлади.
- Болалар: 1-3 ёш — 500 мг, 4-8 ёш — 800 мг, 9-18 ёш — 1300 мг.
Магний — хотира ва янги маълумотларни идрок этиш учун масъул бўлган гипокампусга ижобий таъсир кўрсатадиган антидепрессант. Мушакларнинг қисқаришида, шу жумладан юрак мушакларида иштирок этади. Ажойиб антиспазмодик (қон босимини тартибга солади ва енгил аналгетик таъсирга эга. Магний B6 витаминини яхши кўради, бу магнийнинг сўрилишини ва унинг ҳужайра ичига кириб боришини яхшилайди. Магнийнинг кунлик эҳтиёжи 400-800 мг ни ташкил қилади.
Магнийнинг етишмаслиги чарчоқ, яллиғланиш, жаҳлдорлик, ташвиш, депрессия, хотира бузилиши, шунингдек, терлаш, мушакларнинг спазмлари ва юрак қисқаришидаги узилишларга олиб келади.
Магнийнинг фармацевтик шакллари ҳам мавжуд. Аммо улар шифокор томонидан белгиланиши керак. Магнийнинг ҳаддан ташқари кўплиги мушакларнинг кучсизлиги, юрак ритмининг бузилиши, қуруқ тери, шунингдек, кўнгил айниши, диарея ва сувсизланишга олиб келиши мумкин.
Изоҳ (0)