АҚШ иқтисодига яқинлашиб келаётган дефолт фонида бойлиги 49,47 миллиард доллардан ортиқ бўлган миллиардерлар сони — ҳукумат мажбуриятларини бажариш учун мамлакат Молия вазирлигида шунча пул қолган — 25 кишигача кўпайди. Бу ҳақда The Hill хабар бермоқда. Ҳисоб-китоблар Bloombergънинг дунёдаги энг бой одамлари индексидан фойдаланган ҳолда амалга оширилди. Унда агентлик асосчиси Майкл Блумбергнинг бойлиги ҳисобга олинмаган. Forbes унинг бойлигини тахминан 94,5 миллиард долларга баҳолаган.
Даромади АҚШ ғазнасида қолган суммадан ортиқ миллиардерлар рўйхатига, жумладан, қуйидагилар киради:
- LVMH (Моёt Hennessy — Louis Vuitton) бош директори Бернард Арно — 189 миллиард доллар;
- Twitter, Tesla ва SpaceX бош директори Илон Маск — 179 миллиард доллар;
- Amazon асосчиси Жефф Безос — 139 миллиард доллар;
- Microsoft асосчиси Билл Гейтс — 125 миллиард доллар;
- Google асосчиси Ларри Пейж — 112 миллиард доллар;
- Тадбиркор, L’Oreal меросхўри Франсуаза Бетанкур Майерс — 87,2 миллиард доллар.
АҚШ молия вазири Жанет Йеллен мамлакат мажбуриятларни бажариш учун мавжуд ресурсларни 5 июнгача тугатишини, шундан сўнг дефолт юзага келишини айтган. У конгрессменларни АҚШнинг “ишончи ва кредит қобилиятини имкон қадар тезроқ ҳимоя қилишга” чақирди ва ўтмишда, мамлакат дефолтга яқин келиб, сўнгги дақиқаларда қарор қабул қилинганида, бизнес ишончига жиддий путур етганини эслатди. Унинг таъкидлашича, агар Конгресс миллий қарз лимитини ошира олмаса, бу Қўшма Штатларнинг “глобал раҳбариятига” ҳам зарар етказиши ва “миллий хавфсизликни ҳимоя қилиш қобилиятини савол остида қолдириши” мумкин.
Январь ойида мамлакатнинг давлат қарзи максимал 31,4 триллион долларга етганди, ўшанда Йеллен 1 июнгача ғазнадаги пул тугаши мумкинлигини айтган. Президент Жо Байден ва демократ конгрессменлар Конгрессни ҳеч қандай шартларсиз лимитни оширишга чақирмоқда. Вакиллар палатасини назорат қилувчи республикачилар эса харажатларни қисқартирмасдан туриб қарз потологини оширишни маъқуллашдан бош тортмоқда.
Изоҳ (0)