Хитойлик Чжан Шенсинран ташқи кўриниши туфайли отаси тақиқлаганидан кейин Хитой мессенжерларида жонли эфир қилишни тўхтатди. Бу ҳақда China Morning Post хабар берди.
Чжан ҳозирда Хитойнинг энг яхши давлат университетларидан бири ҳисобланган Sinxua университетида таҳсил олмоқда. Қиз у ерга эндигина ўқишга кирганида, ота-онаси унга 105 минг юан (тахминан 15 минг доллар) миқдорида молиявий ёрдам кўрсатди, чунки у Чжаоан уездидаги қишлоқдан биринчи бўлиб ушбу олий ўқув юртига ўқишга киришга муваффақ бўлди.
Шахсий эҳтиёжлар ва кўчиб ўтишга қарамай, қиз бу пулларни бошқа муҳтож талабаларга хайрия қилишга қарор қилди. Унинг бу ҳаракатини кўплаб интернет фойдаланувчилари маъқуллаб, Чжан шахси билан қизиқа бошлашди. Оқибатда қизнинг суратлари интернетда тарқалиб кетди. Баъзилар уни Хитойда машҳур актриса Чен Дулинга ўхшата бошлашди.
Бу Чжаннинг ўз блогини яратишига сабаб бўлди. Талаба ўз постларида абитуриентларга ўқишга кириш тажрибаси ва билимлари билан ўртоқлашди. Нашрнинг таъкидлашича, бунгача қиз ижтимоий тармоқларни юритмаган ва “жамоатчиликдан яширинишга” ҳаракат қилган.
Хитойлик қизнинг обуначилари ва видеолари учун янги мавзулар пайдо бўла бошлади, аммо отасининг кўрсатмалари туфайли унинг блогерлик карьераси тезда тугади. “Мен унинг жонли эфирга чиқишини қўллаб-қувватламайман, чунки бу жуда чиройли қизларга тўғри келмайди”, деди Чжан Сзятиану.
Охир-оқибат, ота қизига блог юритишни тақиқлаб, бундай фаолият тўғри ёндашув ва оқибатларни англашни талаб қилишини таъкидлади.
Изоҳ (0)