Орландо Блум “Кариб денгизи қароқчилари” фильмида Уилл Тёрнер ролини ижро этган. Актёр ўзининг машҳур образини яна жонлантиришга тайёр. Унинг фикрича, ҳозир франшизани экранларга қайтариш учун энг қулай вақт ҳисобланади.
Менга 20 йил ўтиб, барча қаҳрамонларни яна қайтариш ғояси ёқди. Бу олдинги фильмлардагидан кўра қўполроқ ва ғалатироқ Уилл Тёрнер бўларди. Персонаж шундай янгича кўринишда намоён бўлишга тайёр, энг муҳими — ҳаммасини амалга ошириш керак, дейди Орландо Блум.
Кариб денгизи қароқчилари франшизасининг сўнгги қисми — “Ўликлар эртак айтмайди” — 2017 йилда экранларга чиққан эди. Аввалроқ фильмнинг янги версия суратга олинишида асосий эътибор Маргот Роббига (Барби) қаратилиши ҳақида хабарлар бор эди.
Капитан Жек Воробей (Жонни Депп ижросида) эса эҳтимол фақат кичик рол билан қайтади. Бироқ бу ҳозирча фақат миш-миш бўлиши ҳам мумкин. Ҳаттоки, Disney бир вақтнинг ўзида икки хил янги фильм устида ишлаётган бўлиши эҳтимолдан холи эмас.
Орландо Блумнинг айтишича, у студиянинг олтинчи фильм борасидаги режаларидан бехабар. Шу пайтгача ҳеч ким у билан боғланмаган.
Изоҳ (0)