8 июнь куни “Қора марварид тавқи лаънати” фильми 20 ёшга тўлди. Шу вақт ичида фильмда бош ролларни ижро этган актёрлар қанчалик ўзгаргани, юлдузларнинг карьера ва шахсий ҳаёти қандай бўлгани ҳақида маълумот берамиз.
Жонни Депп — капитан Жек читтак
.jpg)
Актёрнинг ёрқин импровизацияларисиз франшиза бунчалик муваффақиятли бўлмас эди. Депп қаҳрамоннинг хатти-ҳаракатларини яқин дўсти — рок юлдузи Кейт Ричардсдан нусха олган. Айтганча, франшизанинг 3- ва 4-қисмларида The Rolling Stones гитарачиси Жек читтакнинг отаси ролини ўйнаган.
Дарҳақиқат, Жоннининг карьераси “Қароқчилар”дан анча олдин жадал ривожлана бошлади: “Эдвард қайчиқўл” романтик фантазиясидаги бош роли учун актёр ўзининг биринчи “Олтин глобус”ини олади.
Мухлислар “Ром кундалиги” фильми Жонни учун тавқи лаънат бўлган, деб ҳазиллашади – комедия-драма танқидчилар томонидан турли баҳоларга эга бўлгани учун эмас, балки Эмбер Херд билан танишуви туфайли. Эмберни деб актёр ўғли ва қизининг онаси Ванесса Паради билан ажрашади. Аммо янги никоҳи унга ташвишдан бошқа нарса келтирмайди.
2015 йилда юлдузлар турмуш қуради, бироқ бир йил ўтгач, Эмбер оиладаги келишмовчиликларни айтиб, ажрашиш учун ариза беради. Кейин ҳуқуқий жанг бошланади — актриса нафақат собиқ эрини маиший зўравонликда айблайди, балки у билан бирга яшашнинг шу қадар жирканч тафсилотларини айтадики, натижада Жонни бир қатор реклама шартномаларини, шу жумладан, “Кариб денгизи қароқчилари”нинг давомида суратга тушиш имкониятини ҳам йўқотади. Аммо Деппнинг ўзи франшизада суратга тушишни хоҳламаслигини эълон қилади.
Суд иккала актёрни ҳам бир-бирига туҳмат қилганликда айбдор деб топди, бироқ Эмбер собиқ турмуш ўртоғига 10 миллион доллар тўлаши ҳақида қарор чиқарди. Херд апелляция аризасини топшираётган бир пайтда Депп ҳакамлар ҳайъати олдида уни ҳимоя қилган адвокат билан ишқий муносабатда бўлганлиги ҳақида миш-мишлар тарқалди. Мухлисларнинг фикрига кўра, яқинда ўзининг 60 ёшини нишонлаган актёр ҳали ҳам келишган ва оғир ажралишдан сўнг, у ҳам бошқалар каби бахтга лойиқ.
Орландо Блум — Уилл Тёрнер
.jpg)
Дислексия туфайли болалигида синфдошлари Орландони масхара қилишган, аммо бу унинг болалар спектаклларида иштирок этишига тўсқинлик қилмайди. Гилдхолл мусиқа ва театр мактабида ўқиётганда Шекспир, Милтон ва Чехов песаларини ўрганиш йигитни ёзма нутқ муаммоларидан бутунлай қутқаради ва ўқишнинг учинчи йилида Блумнинг омади келади — “Узуклар ҳукмдори” трилогиясида Legoлас ролига тасдиқланади.
“Кариб денгизи қароқчилари” фильмидаги роли муваффақиятини янада мустаҳкамлашга ёрдам беради. Фильмда Орландо севгилиси Элизабет учун ҳамма нарсага тайёр ошиқ йигит ролини ўйнайди. Франшизанинг янги қисмида Уилл Тёрнер 10 йилда бир марта қуруқликка қайтадиган “Учар голланд” кемасининг капитани бўлади. Қизиғи шундаки, қаҳрамон йиллар ўтиб хотини ва ўсмир ўғли билан учрашганда, у ҳам Элизабет Суонн каби қаримаган бўлади.
Блум 3 йил аввал модел Миранда Керрга уйланганди, уларнинг Флин исмли ўғли бўлса-да, 2016 йилда актёр Кети Перри билан учраша бошлайди. Машҳурлар бир неча бор ажралишади, аммо ҳозирда улар қизи Дейзи Давни бирга тарбиялашмоқда.
Кира Найтли — Элизабет Суонн
.jpg)
Блум сингари Кира ҳам дислексиядан азият чеккан, аммо айнан шу ҳолат уни астойдил ўқишга ундайди. Кира болалигидан фильмларда суратга тушади, Натали Портманга ўхшашлиги унга “Юлдузлар жанги” фильмида қиролича Амидаланинг эгизаги ролини ўйнашга имкон беради.
Актрисанинг биринчи муваффақияти “Бекхемдек ўйна” фильмидир, аммо уни юлдузга айлантирган ва режиссёрлар эътиборига тушган “Кариб денгизи қароқчилари” бўлди. Киранинг ўзига лойиҳадаги баъзи жиҳатлар ёқмайди: фильм постерларида унинг қомати ҳақиқатга тўғри келмайдиган тарзда тасвирланган. Табиийлик тарафдори бўлган актриса интервьюсида кўриниши сунъий равишда ўзгартирилишига қарши эканлигини, у танасини худди шундай — мўрт ва нозик қабул қилишини ва катта ҳажмдаги стереотипларнинг ривожланишига ҳисса қўшишни истамаслигини бир неча бор айтган.
“Ғурур ва андиша”, “Бадал”, “Ҳаётда бир марта”, “Бостонлик кушанда” — фильмларидаги образлари актрисани янада машҳур қилди. 2000 йилларда актриса Дел Синнотт ва Жейми Дорнан билан муносабатда бўлган. Руперт Френд билан беш йил учрашгач, 2013 йилда мусиқачи Жеймс Райтонга турмушга чиқади. Ҳозирда уларнинг иккита қизи бор.
Жеффри Раш — капитан Гектор Барбосса
.jpg)
71 ёшли актёр театр мухлисларига “Қирол Лир”, “Жиддий бўлишнинг аҳамияти”, “Телбанинг эслатмалари” спектаклларидан таниш, бироқ кино ихлосмандлари уни “Оскар” мукофотига сазовор бўлган “Жилва” драмасидан танийди. Аммо “Кариб денгизи қароқчилари” фильми Рашни кенг оммага танитди.
Шуни таъкидлаш керакки, Жеффри Раш қаҳрамони франшиза давомида ўзгаради: Жекнинг кемасини ўғирлаган виждонсиз қароқчидан йўқолган қизи учун ўзини қурбон қилган меҳрибон отага айланади.
Томошабинлар актёр иштирокидаги “Энг яхши таклиф” триллери ва “Китоб ўғриси” драмасини илиқ кутиб олишди. Жеффри шикоят қилиши мумкин бўлган ягона нарса бу театрдаги ишларнинг кино фойдасига қисқариши эди. Актёр рафиқаси Жейн Менелос билан 35 йилдан бери бирга яшаб, икки фарзандни тарбиялашади.
Жонатан Прайс — губернатор Уэзерби Суонн
-2.jpg)
1976 йилда Прайс “Комедиячилар” фильмида дебют қилади. Тўрт йил ўтгач, актёр авлоднинг энг яхши Гамлетларидан бири деб тан олинади.
“Бразилия”, “Эвита”, “Дон Кихотни ўлдирган одам”, “Икки папа” — булар актёр иштирок этган лойиҳаларнинг кичик бир қисми. Бироқ у биринчи навбатда Элизабет Суонннинг отаси образи билан танилиб, афсуски, “Кариб денгизи қароқчилари” франшизасининг қисмларидан бирида ўлади.
Фильмда Прайс қаҳрамонлари кўпинча ёлғиз бўлишади, аммо саҳна ортида ҳаммаси бошқача — 1972 йилдан бери Жонатан актриса Кейт Фахи билан бирга яшайди. Уларнинг уч нафар фарзанди бор.
Ли Аренберг, Маккензи Крук, Мартин Клебба — қароқчилар Пинтел, Рагетти ва Марти
Ли Аренберг “Юлдузли йўл”да эпизодик роли ва “Бир пайтлар эртакда” фильмидаги вайсақи образи билан, Маккензи Крук “Тахтлар ўйини”, “Хазина изловчилар” ва “Офис” фильмларида суратга тушган, Мартин Клебба эса “Хенкок” ва “Уолл-стритлик бўри” фильмларидаги образи билан томошабинлар ёдида қолган.
Изоҳ (0)