Ҳар бир фильмида жозибали гўзалларни ёки жирканч кампирларни ўйнаб, бир-бирига ўхшамайдиган образларни танлашга ҳаракат қиладиган актёр ва актрисалар бор. AdMe нашри машҳур актёр ва актрисаларнинг фильмографиясини ўрганишга ва улар қайси персонажларни яхшироқ ижро этганини таҳлил қилди.
Натали Дормер — маккора фитначи
Натали Дормер табиатан айёр кўринишга эга, бу унга мураккаб ролларни мукаммал тарзда ўйнашга имкон беради. Экранда у кўпинча жуда ёқимтой ва ҳимоясиз қиз сифатида намоён бўлади, аммо фильм сўнгида ҳаммани ноғорасига ўйнатадиган фитнакор аёлга айланади. Тахт учун қўлидан келганини қиладиган Қирол Генрих VIII нинг хотинларидан бири, охир-оқибат асосий ёвуз ва манипуляторга айланган ақлли рассом — буларнинг барчаси истеъдодли Наталининг роллари.
Сериаллари: «Тюдорлар» (2007-2010), «Тахтлар ўйини» (2011-2019), «Оддийлик» (2012-2019).
Сирша Ронан — ўзига хос характерга эга қиз
Сирша Ронан — жуда истиқболли актриса, у аллақачон жуда кўп ажойиб ролларни ўйнаган, агар диққат билан қарасангиз, у бошқаларга ўхшамайдиган, ўзига хос характерга эга, ажойиб ролларни ўйнайди. Ёш феминист, бошқа мамлакатни забт этиш учун йўлга чиққан жасур қиз, пушти сочли хаёлпараст, муносабат ўрнатишдан қўрқадиган аёл — Сирша бу ролларни маҳорат билан ижро этган.
Фильмлари: «Кичик аёллар» (2019), «Бруклин» (2015), «Бёрд хоним» (2017), «Соҳилда» (2017).
Зои Салдана — космик дарбадар
Бошқа дунёлар ҳақидаги фантастик фильмлар жуда машҳур бўлган бир пайтда Зои Салдана кинодаги роли ҳақида қарор қабул қилишга муваффақ бўлди. Агар саргузашт ва макон билан боғлиқ рол бўлса, фильмда Зоини кўриш эҳтимоли катта. У Пандора сайёрасининг мағрур қизи, галактикани душманлардан қутқарувчи романтик жангчи қиз ва ҳатто юлдузлар флотининг лейтенанти, янги дунёлар сари космик кемада саёҳатга йўл олган дарбадар ролларини аъло даражада ижро этган.
Фильмлари: «Аватар» (2009), «Галактика қўриқчилари» (2014), «Юлдузли йўл» (2009).
Крис Пайн — чўрткесар йигит
Даҳшатли жасорат ва мардлик хислатлари Крис Пайн ўйнаган кўплаб қаҳрамонларни ажратиб туради. У романтик фильмлардан узоқлашгандан сўнг, унинг фильмларида қатъий йигит образи мустаҳкам ўрин олди. Космик кеманинг мард капитани, тасодифан аёллар оролига тушиб қолган учувчи, Марказий разведка бошқармаси махсус агенти билан биргаликда ёвузликка қарши курашишга қарор қилган жангчи — буларнинг барчаси Криснинг ижод маҳсули.
Фильмлари: «Юлдузли йўл» (2009), «Мўъжиза аёл» (2017), «Жек Райан: Хаос назарияси» (2014).
Кара Делевин — ғайритабиий мавжудот
Кара Делевин модель сифатида танилганига қарамай, актёрлик соҳасида ҳам юксакликка эришди. Ишончли, ўткир кўзлари ва жозибадор кўриниши унга ғайритабиий мавжудотларни ўйнаш имкониятини берди. Ёвузликка қарши курашадиган нео-Виктория метрополидаги элф, кучли ва қўрқинчли сеҳргар сифатида қайта туғилган оддий қиз ва ҳатто сув париси — Кара ўзининг актёрлик истеъдоди борлигини исботлади.
«Роу карнавали» сериали (2019), фильмлари: «Худкушлар гуруҳи» (2016), «Пен: Нетландга саёҳат» (2015).
Орландо Блум – ўзга даврнинг қаҳрамони ва саёҳатчиси
Орландо Блум фильмографиясида тарихий муҳит ва саргузашт фильмлари алоҳида ўрин тутади. У бундай қаҳрамонларни жуда яхши кўради ва ундан тўлиқ фойдаланади. Лихолеслик элф, тақдир тақозоси билан қароқчига айланган темирчи, Букингемнинг хавфли герцоги, қадимий троялик йигит, ёш салибчи рицар — Орландо қаҳрамонлари саргузаштларга эргашади ва улар томошабинни зериктирмайди.
Фильмлари: «Узуклар ҳукмдори: Узуклар биродарлиги» (2001), «Кариб денгизи қароқчилари: Қора марварид лаънати» (2003), «Мушкетёрлар» (2011), «Троя» (2004), «Само қироллиги» (2005).
Блейк Лайвли — ҳамма севадиган машҳур соҳибжамол
«Ғийбатчи қиз» телесериалидаги ролидан сўнг, Блейк ниҳоят кино оламида ўз ўрнини эгаллади. Мафтункор табассум ва жозибали кўриниш унга ҳаммага ёқадиган ва ҳайратга соладиган соҳибжамоллар ролини ўйнашга имкон берди. Машҳур мактаб ўқувчиси, романтик қиз, гўзаллик танлови иштирокчиси, суперқаҳрамон ҳам, ёвуз одам ҳам севиб қолган аэродром ходими ва ҳатто қаримайдиган аёл — буларнинг барчаси гўзал Блейкнинг роллари эканлигига ишониш осон.
Фильмлари: «Жинси тумор» (2005), «Элвис ва Анабелл» (2007), «Яшил фонар» (2011), «Адалин асри» (2015), «Ғийбатчи қиз» сериали (2007-2012).
Жесси Эйзенберг — ўткир тилли, аммо муваффақиятга эришадиган таниқли йигит
Кўплаб мураккаб ролларни ўйнашга муваффақ бўлган Жесси Эйзенберг актёр сифатида эътирофга эришди. Барча дўстларини йўқотган ижтимоий тармоқ яратувчиси, ажойиб суперйўриқчи ва бизнесмен, найранглар ва иллюзияларнинг қобилиятли устаси — роллар осон эмас, лекин Жесси буни уддалади.
Фильмлари: «Ижтимоий тармоқ» (2010), «Адолат лигаси» (2017), «Алдаш иллюзияси» (2013).
Изоҳ (0)