Қуйида шаҳзода Гарри нима учун Америкада тўрт йилдан бери ҳеч ким билан дўстлашмаганини ва герцогиня Меганнинг бунга қандай алоқаси борлиги ҳақида маълумот берамиз.
2020 йил Виндзорлар оилавий муносабатларида бурилиш нуқтаси бўлди: шаҳзода Гарри ва унинг рафиқаси Меган қироллик унвонидан воз кечиб, Калифорнияга кўчиб ўтишди. Шаҳзодага яқин манбага кўра, Меган ва болалари Гаррининг ҳаётида катта аҳамиятга эга, шунинг учун у Буюк Британияга қайтиш ҳақида ҳатто ўйламаяпти ҳам.
Ҳозирда шаҳзода Гаррининг Америкадаги яқин дўстлари қаторига телебошловчи Жеймс Корден, актёр Тайлер Перри, полочи Начо Фигуэрас ва қўшниси Орландо Блум киради. Дўстларининг бундай тор доирада бўлишига сабаб Сассекс герцоги бутун вақтини хотини, болалари ва ишига сарфлайди. Бу асосли сабабдек туюлиши мумкин, аммо нега герцогиня Меган дугоналари доирасини чекламайди деган ҳақли савол туғилади: унинг дўстларига Серена Уильямс, Эллен ДеЖенерес ва Уитни Вулф Херд, шунингдек, маҳаллий аёлларнинг бутун гуруҳи киради. Меган Маркл улар билан тез-тез учрашиб туради.
Меганнинг Гарри устидан назорат қилишини ҳар доим пайқаган қироллик мухлислари бунга яна бир бор амин бўлишди. Меган доимо дўстлари билан мулоқот қилишдан завқланса-да, Гарри хотини маъқуллаган одамлар билан гаплашишдан мамнун бўлишга мажбур. Бундан ташқари, унинг Буюк Британиядаги дўстлари билан муносабатлари аввалгидек кучли эмас. Июль ойида шаҳзода бир вақтлар яқин дўсти бўлган Вестминстер герцогининг тўйига бормаган эди. Хью Гровенор нафақат Гаррининг дўсти, балки шаҳзода Арчи ва шаҳзода Жоржнинг чўқинтирган отаси ҳам.
Сассекс герцоги ҳозирда ҳам Буюк Британиядаги дўстлари билан вақти-вақти билан учрашиш имкониятига эга. Мисол учун, Жей Жей Чалмерс ўтган йили Гаррини ҳеч бўлмаганда нейтрал ҳудудда кўриш учун Invistus Games мусобақаларига келган.
Изоҳ (0)