2025 йилда ўтказилиши режалаштирилган “Марказий Осиё — Корея Республикаси” саммити 2026 йилга қолдирилди, деб хабар бермоқда “Дунё” ахборот агентлиги.
Yonhap ахборот агентлиги маълумотига кўра, ушбу қарор Жанубий Корея ташқи ишлар вазирининг биринчи ўринбосари Пак Юн Чжу томонидан парламентнинг халқаро ишлар қўмитаси йиғилишида тасдиқланган. Қайд этилишича, бунга мамлакат собиқ президенти Юн Сок Ёлнинг ҳарбий ҳолат жорий этишга муваффақиятсиз уринишидан кейин юзага келган сиёсий ўзгаришлар сабаб бўлган.
“Барча тегишли ҳолатларни, шу жумладан ички жадвалимизни кўриб чиққанимиздан сўнг, мазкур саммит учун бу йил давомида мақбул санани таклиф қилиш қийин бўлди”, деган ТИВ раҳбари биринчи ўринбосари.
2024 йилнинг июнида Жанубий Кореянинг ўша вақтдаги президенти Юн Сок Ёлнинг Марказий Осиё давларларига ташрифи давомида минтақанинг бешта давлати иштирокида “Марказий Осиё — Корея” форматидаги биринчи саммитни ташкил этиш ва 2025 йил Сеулда унинг йиғилишини ўтказишга келишилганди.
2025 йилнинг июнида Жанубий Кореяда ҳарбий ҳолат жорий этишга уриниш муддатидан олдин сайловларга олиб келди ва “Тобуро” Демократик партиясидан номзод Ли Чже Мён янги давлат раҳбари этиб сайланди.
Изоҳ (0)