Кувайт Осиёда ҳамкорлик ва ишонч чоралари бўйича кенгашга қўшилади
Осиёда ҳамкорлик ва ишонч чоралари бўйича кенгашга Кувайт ҳам қўшилади, деб хабар беради «Informburo.kz». Қарор Остонадаги саммитда қабул қилинади.
Олий мансабдор шахслар қўмитаси Кувайтнинг Осиёда ҳамкорлик ва ишончни мустаҳкамлаш бўйича конференцияга аъзо давлат сифатида қўшилиши тўғрисидаги қарор лойиҳасини маъқуллади ва Остона шаҳрида бўлиб ўтадиган кенгаш саммитида уни қабул қилишни тавсия қилди, деб хабар беради ташкилот котибияти.
2019 йилда Қозоғистон Кувайтни Осиёда келажак хавфсизлик тизимининг архитектурасини биргаликда қуриш имкониятини берувчи CICA жараёнига қўшилишни таклиф қилган эди.
Кимлар қатнашмоқда?
Бу саммит Осиё минтақасининг деярли барча давлат ёки ҳукумат раҳбарлари иштирок этаётгани инобатга олинса, халқаро ҳамкорликни кенгайтириш бўйича ноёб мулоқот майдони ҳисобланади. Бугунга қадар 51 та делегация раҳбарлари саммитда иштирок этишини тасдиқлаган. Уларнинг 12 нафари давлат раҳбарларидир.
Хусусан, Ўзбекистон, Туркия, Озарбайжон, Россия, Ироқ, Эрон, Қатар, Фаластин каби мамлакатлар президентлари саммитда қатнашади. Марказий Осиё минтақасидан эса фақатгина Афғонистон иштирок этмаяпти.
Саммитнинг асосий принциплари
Суверен тенглик ва суверен ҳуқуқларни ҳурмат қилиш, низоларни тинч йўл билан ҳал қилиш, иқтисодий, ижтимоий ва маданий ҳамкорлик, давлатларнинг ички ишларига аралашмаслик, куч ишлатмаслик ёки куч ишлатиш билан таҳдид қилмаслик, давлатларнинг ҳудудий яхлитлиги, қуролсизланиш ва қуролларни назорат қилиш, инсон ҳуқуқлари ва асосий эркинликларини ҳурмат қилишдан иборат.
Осиёда ҳамкорлик ва ишонч чоралари бўйича кенгашига қайси мамлакатлар аъзо?
Кенгашнинг доимий аъзолари: Ўзбекистон, Озарбайжон, Афғонистон, Баҳрайн, Бангладеш, Вьетнам, Миср, Исроил, Ҳиндистон, Иордания, Ироқ, Эрон, Қозоғистон, Қатар, Камбоджа, Хитой, Жанубий Корея, Қирғизистон, Мўғулистон, БАА, Покистон, Фаластин, Россия, Тожикистон, Таиланд, Туркия, Шри-Ланка.
Кенгашда кузатувчи мақомидаги мамлакатлар: Беларусь, Индонезия, Малайзия, АҚШ, Украина, Филиппин, Япония, Лаос ва Туркманистон.
