Хитойнинг Хэбэй вилоятидан Тошкентга 25 октябрь куни биринчи мунтазам халқаро Гаои–Хоргос–Тошкент юк поезди етиб келиши кутилмоқда. Бу ҳақда Хитойнинг «Жэньминь жибао» нашрига таяниб, «Kun.uz» хабар берди.
Поезд Шицзячжун шаҳрида жойлашган, «Ибо» холдингга тегишли «ақлли» портдан 12 октябрда жўнаган.
50 та вагондан иборат поезд Тошкентга умумий қиймати 30 миллион юанни ташкил қилувчи юкни, жумладан, тиббий воситалар, велосипедлар, автомобиль эҳтиёт қисмлари, саноат қурилмалари учун деталларни келтиради.
Эндиликда Шицзячжундаги портдан ҳар ой Хитой–Европа (Марказий Осиё) йўналишида камида 12 та поезд жўнатилади.
Хитой провинциясидан мунтазам рейсларнинг йўлга қўйилиши Европа ва Осиёга Хэбэйда ишлаб чиқарилган товарлар етказилиши ҳажмини оширишга имкон беради.
Изоҳ (0)