Ижтимоий тармоқларда Учтепа тумани Ўрикзор “Строй город” қурилиш бозорида “свет” ўчирилиб, одамлар киритилмаётгани ҳақида видеолар тарқалди. Ҳолат юзасидан Тошкент шаҳар ФВБ маълумот берди.
Унга кўра, аслида Тошкент туманлараро иқтисодий суди томонидан “Озиқ-овқат стандарт картон” МЧЖга қарашли савдо бинолари ва хоналарида аниқланган ёнғинга қарши камчиликлар ва қонун бузилишлари тўлиқ бартараф этилгунга қадар иш фаолиятини вақтинча тўхтатиб туриш тўғрисидаги қарори чиққан.
Шунга асосан 27 июнь кунидан савдо комплекси (қурилиш маҳсулотлари бозори) Тошкент шаҳар Фавқулодда вазиятлар бошқармаси томонидан аниқланган ёнғинга қарши камчиликлар, қонун бузилишлари тўлиқ бартараф этилгунга қадар иш фаолияти вақтинча тўхтатилган.
“Тошкент шаҳар электр тармоқлари” эса тадбиркорлар томонидан юзага келган ички муаммоларга мазкур бозор маъмурияти жавоб беришини маълум қилди.
Қашқадарё вилоятининг Шаҳрисабз шаҳар, “Кеш” МФЙ, Ипак йўли кўчасида жойлашган 2 та дўконда (қандолат ва қуруқ мевалар) 30 июнь куни соат 20:50 ларда ёнғин содир бўлган эди.
Шунингдек, Жиззахдаги бозор яқинида икки қаватли чойхона ёниб кетган эди.
Изоҳ (0)