Ўзбекистонда хизмат кўрсатган артист Хуршид Расулов MY5 телеканалининг «Омон—Омон» кўрсатувига берган интервьюсида Россиянинг таниқли телебошловчиси Андрей Малахов нега уни шошилинч Россияга чақиргани ҳақида сўзлаб берди.
«Яқинда бизни Россияга, ‘Привет Андрей’ кўрсатувига чақиришди. Россия халқ шоири Роберт Рождественскийнинг шеърини қўшиқ қилиб куйлагандим. Аслида бу қўшиқни бошқа инсон, Грузия халқ артисти Ваҳтанг Кикабидзе ижро этган. Бу қўшиқ ‘Мои года, моё богатство’ деб номланади, ‘Миминo’ фильмини кўрганлар яхши билади. Ваҳтанг Кикабидзе фильмда роль ҳам ижро этган. Қисқаси, шу қўшиқ маъқул келди шекилли, ўзлари илтимос қилишди. Мен бордим, кўрсатувда қатнашдим. Битта яхши томони бўлдики, хурсанд бўлдим Россия халқ артистлари ўтириб бу қўшиқ сеники бўлибди, ижроси яхши бўлибди деб айтишди. Ҳаттоки ноталарини ҳам ўзгартирганим йўқ. Кўрсатув Роберт Рождественский таваллудининг 90 йиллиги муносабати билан суратга олинди, унинг шеърларини қўшиқ қилган МДҲ давлатлари хонандалари ҳаммаси таклиф қилинди. Ваҳтанг Кикабидзе кексайиб қолгани учун кўрсатувга кела олмади» —, дейди Хуршид Расулов.
Изоҳ (0)