“Шиндлер рўйхати”, “Гаровга олинган” ва “Бетмен: бошланиш” каби фильмлари билан танилган актёр Лиам Нисон Нью Йоркдаги квартирасини яна сотувга қўйди. Ўтган йили кўчмас мулк 12,8 миллион долларга таклиф этилган, аммо харидор топилмаган эди. Энди нарх 10,8 миллион долларга туширилди ва Coleman Real Estate Group компаниясидан Метю Коулман янги сотувчи агент этиб тайинланди.
Хабарларга кўра, Нисон ва унинг марҳума рафиқаси, инглиз актрисаси Наташа Ричардсон 1999 йилда тахминан 3,9 миллион долларга Юқори Ғарбий томондаги Линкольн майдони ҳудудидаги Парк Millennium биносида учта квартирани бирлаштирган ушбу турар жойни сотиб олишган.
-vnPabqWk.avif)
56 қаватли осмонўпар бинонинг 28-қаватида жойлашган квартира 420 квадрат метрдан ортиқ майдонни эгаллайди. Унда 5 та ётоқхона ва 5 та ҳаммом мавжуд, шунингдек, баланд шифтлар, карамел дарахтидан ясалган ялтироқ поллар ва буюртма асосида ўрнатилган мебеллар бор.
-nEacVJN8.avif)
Вестибюл ва кенг галерея орқали шаҳар манзараси ва Марказий боғнинг гўзал кўринишлари томон очиладиган панорама деразали ҳашаматли меҳмонхонага чиқиш мумкин. Меҳмонхона ва ошхонанинг бирлашган майдони буюртма асосида жиҳозланган ҳамда зангламайдиган пўлатдан ясалган юқори сифатли техника билан таъминланган овқатланиш бурчаги бўлган ошхонага туташган.
-J1UmbdZh.avif)
Алоҳида яшаш блоки кийим хонаси ва иккита ҳаммоми бўлган кенг асосий ётоқхонани, шунингдек, кутубхона/офис ва шахсий спорт залини ўз ичига олади.
-1Zo1t8Tr.avif)
Парк Millennium биноси ўз яшовчиларига ойига 5 315 доллар эвазига кенг қулайликлар тўпламини тақдим этади. Бу қулайликлар ичига кеча-ю кундуз хизмат кўрсатувчи консерж ва швейсар, сузиш ҳавзаси ҳамда баскетбол майдони билан жиҳозланган фитнес маркази киради.
-9nvzJwW7.avif)
“Оскар” мукофотига номзод бўлган 72 ёшли Лиам Нисон Нью Йоркдаги квартирасидан ташқари, Нью Йорк штатининг Миллбрук шаҳрида тахминан 3 160 квадрат метр майдонни эгаллаган тарихий қасрга ҳам эгалик қилади. Бу қаср унинг асосий яшаш жойи бўлиб қолмоқда.
Изоҳ (0)