“Оскар” ҳар доим ҳам маълум бир фильм учун абадий шон-шуҳратни кафолатламайди. Ўз даврида томошабинларни ҳайратга солган, бироқ бир оз унутилган бўлса-да, ҳозир ҳам завқ улашиши мумкин бўлган 10 та ажойиб фильм ҳақида маълумот берамиз.
“Соҳил бўйида” (1954)
- Жанр: драма, мелодрама, криминал
- Режиссёр: Элиа Kaзан
- Ролларда: Марлон Брандо, Карл Малден, Ли Жей Кобб, Род Штайгер
Элиа Kaзаннинг “Соҳил бўйида” асари барча замонларнинг классикаси эканлиги айтилади. Бунинг сабаби фильмда виждонига кўра кун кечиришга ҳаракат қиладиган, аммо виждон билан қорин тўймайдиган замонда яшайдиган оддий юк ташувчи йигит ҳақида ҳикоя қилинади. Айнан шу фильмда афсонавий Марлон Брандо ўзининг энг яхши ролини ўйнаган.
“Квартира” (1960)
- Жанр: драма, мелодрама, комедия
- Режиссёр: Билли Уайлдер
- Бош ролларда: Жек Леммон, Ширли Маклейн, Фред МакМюррей, Рей Уолстон
Голливудда деярли 30 йил давомида (1940 йиллардан 1960 йилларнинг ўрталаригача) Билли Уайлдерга тенг келадиган режиссёр бўлмаган. Ажойиб ҳазил туйғусига эга иқтидорли сценарий муаллифи сифатида Уайлдер ўзининг асосий “Оскар”ини “Квартира” комедияси учун қўлга киритади.
“Тунги ковбой” (1969)
- Жанр: драма
- Режиссёр: Жон Шлесингер
- Ролларда: Дастин Хофман, Жон Войт, Силвия Майлс, Жон МакГивер
“Янги Голливуд” пайдо бўлиши билан бутун Америка ўзгаради, хусусан, унинг экрандаги кўриниши ҳам. Нью-Йорк ўзининг барча жозибаси ва ёрқинлигини йўқотади. Ниҳоят, у аслида қандайлигини ҳеч қандай пардозларсиз кўрсатади: ифлос кўчалар, бузуқ одамлар-у, жанжалларга тўла шаҳар. Ажабланарлиси шундаки, ўша пайтда Америка ҳақидаги энг култ фильмлардан бири британиялик Шлесингер томонидан суратга олинган ва у илгари ҳеч ким фильм яратишга журъат эта олмайдиган бош қаҳрамонларни танлаган — аёлларга суяги йўқ аҳмоқ эркак (Жон Войт) ва силга чалинган уйсиз одам (Дастин Хоффман). “Тунги ковбой” энг юқори бадиий қийматга эга бўлган ҳақиқий, реал кинонинг янги даврини бошлаб беради.
“Чўқинтирган ота” (1972)
- Жанр: драма, криминал
- Режиссёр: Фрэнсис Форд Коппола
- Ролларда: Марлон Брандо, Аль Пачино, Жеймс Каан, Роберт Дувалл
Коппола Марио Пьюзо билан биргаликда ҳеч қандай заиф томонлари йўқ ҳақиқий шедевр яратган. Агар “Оскар” тарихида бундан ҳам катта ғалаба бўлган бўлса, бу икки йил ўтиб Коппола “Чўқинтирган ота 2” учун олтин ҳайкалчаларнинг яна бирини қўлга киритганида содир бўлди.
“Какку уяси узра парвоз” (1975)
- Жанр: драма
- Режиссёр: Милош Форман
- Ролларда: Жек Николсон, Луиза Флетчер, Уилл Сэмпсон, Бред Дурифолия
Барча қўзғолончиларнинг озодлик мадҳиясига айланган ва Милош Форман каби ажойиб режиссёрнинг шедевр фильми. Бундан ташқари, Голливуднинг энг яхши мослашувларидан бири ва, шубҳасиз, Жек Николсоннинг энг ажойиб роли.
“Кийик овчиси” (1978)
- Жанр: ҳарбий драма
- Режиссёр: Майкл Чимино
- Ролларда: Роберт Де Ниро, Жон Казале, Жон Савеж, Кристофер Уолкен
Вьетнам урушининг қизғин палласида келиб чиқиши рус миллатига мансуб уч америкалик дўстлигининг кенг кўламли хроникаси. Мазкур картина Чиминонинг урушга қарши асари ҳамда Вьетнам ва бутун мамлакат даҳшатли фожиадан қандай қутулганлиги ҳақидаги энг муҳим фильмлардан бири ҳисобланади.
“Оддий одамлар” (1980)
- Жанр: драма
- Режиссёр: Роберт Редфорд
- Ролларда: Дональд Сазерленд, Мэри Тайлер Мур, Жудд Хирш, Тимоти Хаттон
Роберт Редфорднинг режиссёрлик дебюти йўқотиш қайғусига дош бераётган америкалик ўртаҳол оиланинг ҳаёти ҳақида ҳикоя қилади. “Оддий одамлар” мустақил Америка киноси институтининг барпо этилишига асос солган энг муҳим фильм сифатида тарихга кирган.
“Қўзилар сукунати” (1991)
- Жанр: триллер, детектив, криминал
- Режиссёр: Жонатан Демми
- Ролларда: Жоди Фостер, Энтони Хопкинс, Брук Смит, Скотт Гленн
Жонатан Деммининг мазкур картинаси қўрқинчли фильм бўлмаса-да, даҳшатли фильмлар жанрига катта ҳисса қўшган. Ўша пайтда серияли қотилларни ушлаш ҳақидаги триллерлар модага айланди. Бундан ташқари, “Қўзилар сукунати” одатда мукофотга эга бўлган фильмлар намойиш этиладиган январь ойида экранларга чиқарилиб, “Оскар” мукофотини қўлга киритган ягона фильм ҳисобланади. Тасаввур қилинг: бир йилдан кўпроқ вақт давомида бутун жамоатчилик твит ёзиш имкони бўлмаган бир даврда Энтони Хопкинснинг ажойиб ижросига қойил қолган.
“Шиндлер рўйхати” (1993)
- Жанр: биографик, тарихий драма
- Режиссёр: Стивен Спилберг
- Ролларда: Лиам Нисон, Бен Кингсли, Ральф Файнс, Каролин Гудолл
Агар тарихда Холокост мавзусини шу қадар синчковлик билан тасвирлаб берган режиссёр бўлса, бу Стивен Спилберг бўларди. “Шиндлер рўйхати” — унинг фаолиятидаги асосий асари ҳисобланади. Иккинчи Жаҳон уруши пайтида деярли 1200 яҳудийни қутқариб қолган немис тадбиркори ҳақидаги фильм ўша йили барчани ҳайратда қолдиради.
“Қувғин” (2007)
- Жанр: триллер, драма, криминал
- Режиссёрлар: Итан ва Жоэл Коэн
- Ролларда: Томми Ли Жонс, Жош Бролин, Хавьер Бардем, Келли МакДональд
Ака-ука Коэнлар Кормак Маккартининг романи асосида фильм суратга олган ҳолда XXI асрда вестерн жанрини қайтадан тирилтиради. Натижада уруш фахрийсининг ёлланма аскардан тортиб олган бир қоп пул билан қочиб кетиши ҳақидаги ҳикоя фильм ижодкорларига учта “Оскар” ҳайкалчасини олиб келади. Тўртинчи ҳайкалча замонавий кинонинг энг машҳур ёвуз қаҳрамонлари рўйхатига кирган камгап Антон Чигур роли учун Хавьер Бардемга берилади.
Изоҳ (0)