“Манчестер Сити” ҳимоячиси Рико Льюис 2025 йилги Клублар ўртасидаги Жаҳон чемпионатида яна икки ўйинни ўтказиб юборади. Бу ҳақда ESPN нашрига таяниб Championat хабар берди.
Льюис гуруҳ босқичининг 1-турида “Видад”га қарши баҳснинг 88-дақиқасида қизил карточка олган эди. У тўпга қўпол тарзда ташланиб, ҳаракат давомида рақиб ҳужумчиси Самуэл Обенгнинг юзига оёғи билан зарба берган. Шу сабабли 20 ёшли футболчи кейинги ўйин — БААнинг “Ал-Айн” жамоасига қарши баҳсда (6:0) иштирок этмади.
FIFA интизомий қўмитаси ушбу воқеани кўриб чиқиб, Льюисни яна икки ўйинга дисквалификация қилди. Бу эса уни гуруҳ босқичининг сўнгги тури — “Ювентус”га қарши ўйиндан ҳамда 1/8 финал баҳсидан четлатади.
Маълумот учун, “шаҳарликлар” гуруҳ босқичидаги дастлабки икки баҳсда ҳам ғалаба қозониб, 6 очко билан иккинчи ўринда бормоқда. Уларнинг навбатдаги ўйини 27 июнь куни “Ювентус”га қарши бўлиб ўтади. Учрашув Ўзбекистон вақти билан соат 00:00 да бошланади.
Изоҳ (0)