Исроил армияси ва дронлари қамалдаги Ғазо секторида 86 нафар фаластинликни, жумладан, ёрдам тарқатиш марказлари яқинида 56 кишини ўлдирди. Бу ҳақда Al Jazeera хабар берди.
Анклав жанубидаги Рафаҳ шаҳрида 24 июнь куни 27 нафар фаластинлик ёрдам пунктларида Исроил ҳарбийлари томонидан отиб ташланган. Ғазода уруш бошлангандан бери ҳалок бўлганлар 56 мингдан ошган, 131 848 киши яраланган.
Ғазо шаҳри жанубидаги Салоҳиддин кўчасида содир бўлган ҳужумда камида 25 киши ҳалок бўлган. Яна 140 дан ортиқ киши жароҳатланиб, улардан 62 нафари оғир аҳволдалиги айтилган.
Жабрланганлар турли соғлиқни сақлаш муассасаларига, жумладан, ал-Шифо касалхонасига етказилди. Шошилинч ёрдам бўлими “қонга тўлиб кетди”. Кўпчилик тиббий ёрдамни кутиб, вафот этди, деди Al Jazeera мухбири.
Гувоҳларнинг айтишича, одамлар ёрдам машиналарига яқинлашаётганда Исроил ҳарбийлари уларга қарата ўт очган. Отишмаларнинг аксарияти огоҳлантиришсиз содир бўлган. Ғазо гуманитар жамғармаси ёрдам тарқатишни бошлаганидан бери исроиллик аскарлар томонидан 400 дан ортиқ фаластинлик ҳалок бўлиб, 1000 киши яраланган.
Изоҳ (0)