Клублар ўртасидаги Жаҳон Чемпионатининг ярим финал иштирокчилари маълум бўлди

Футбол бўйича Клублар ўртасидаги Жаҳон чемпионати 2-босқичидан ўрин олган ўйинлар 15 декабрь, жума куни бўлиб ўтди.

Биринчи босқичда “Окленд Сити”ни мағлуб этган “Ал-Иттиҳод” ушбу турда Мисрнинг “Ал-Аҳли” клубига қарши баҳс олиб борди. Учрашувнинг 21-дақиқасида Маалул пенальтидан ҳисобни очди. Биринчи бўлим Миср клуби фойдасига ҳал бўлди.

Иккинчи бўлимда “Ал-Аҳли” яна бир бор дарвозани ишғол қилди. 59-дақиқада Ҳусайн эл-Шаҳар ўз ҳисобига гол ёздириб қўйди. Орадан 3 дақиқа ўтиб, Ашур ҳисобни йирик кўринишга олиб келди. Учрашув сўнгида эса “Ал-Иттиҳод” сафида Карим Бензема гол уриб, жавоб қайтаришга муваффақ бўлди. Якуний ҳисоб 3:1 — “Ал-Аҳли” фойдасига.

Чорак финалнинг яна бир ўйинида “Урава Ред Даймондс” Мексиканинг “Леон” клубини 1:0 ҳисобида таслим этди. 

Шу тариқа клублар ўртасидаги Жаҳон Чемпионатининг ярим финал иштирокчилари аниқ бўлди. “Ал-Аҳли” “Флуминенсе”га қарши баҳс олиб борса, “Урава Ред Даймондс” эса “Манчестер Сити” тўсиғидан ўтади. 

Клублар ўртасидаги ЖЧ

1/4 финал

15 декабрь, жума

“Ал-Аҳли” (Миср) — “Ал-Иттиҳод” (Саудия Арабистони) 3:1

Голлар: 1:0 – 21 Маалул (пенальти), 2:0 – 59 эл-Шаҳат, 3:0 – 62 Ашур, 3:1 – 90 Бензема.

“Леон” (Мексика) — “Урава Ред Даймондс” (Япония) 0:1

Гол: 0:1 – 78 Схалк.