Президент администрацияси тузилмасига ўзгартиришлар киритилиши, курерлик фаолиятини амалга ошириш тартиби белгиланиши, қимор ўйинларини реклама қилган 4 нафар вайнер судга берилиши — “Дарё” нашри 23 июнда эълон қилинган Ўзбекистоннинг ижтимоий-сиёсий ҳаётига оид эътиборга молик хабарларни бир жойга тўплади.
Хитой Эксимбанки Ўзбекистонга телекоммуникация ривожи учун 500 млн доллар кредит ажратди
Банк билан ҳамкорликда яна 13 та лойиҳа кўриб чиқилмоқда.
Ўзбекистонда чиқиндидан ёқилғи олиш бўйича янги лойиҳа амалга оширилади
Унга Саудия Арабистони ва Франция компаниялари ҳамкорлик қилади.
Тошкент вилоятида кадастр ходими 1200 доллар пора билан қўлга тушди
У ўзбошимчалик билан эгаллаб олинган ерга ҳужжат тайёрлаб беришни ваъда қилган.
Улан Баторда Ўзбекистон—Мўғулистон туризм форуми бўлиб ўтди (фото)
Тадбир доирасида икки давлатнинг 150 га яқин туризм компаниялари ўзаро ҳамкорликни муҳокама қилди.
Ўзбекистонда курерлик фаолиятини амалга ошириш тартиби белгиланди
Озиқ-овқат маҳсулотларини етказиб беришда транспорт воситалари ва термоконтейнерлар тоза ҳамда соз ҳолатда бўлиши лозим.
Ўзбекистонда қимор ўйинларини реклама қилган 4 нафар вайнер судга берилди
Улар жойлаштирган видеороликларда букмекерлик товар белгисидан фойдаланган.
Улан-Баторда Ўзбекистон—Мўғулистон бизнес-форуми ўтказилди (фото)
Мўғулистон бош вазири ўринбосари тадбиркорларни ўзбекистонликлар билан фаол ва дадил ҳамкорлик қилишга чақирди.
Тошкентда 11 ёшли қиз дўкон томида ток уриши оқибатида вафот этди
У укасининг ўйинчоғини олиб тушиш учун томга чиққан.
Саида Мирзиёева БМТ Давлат хизмати форумида иштирок этди (фото)
Президент ёрдамчиси форум иштирокчиларига Ўзбекистон президенти номидан қутлов сўзларини етказди.
Hunnu Аir Ўзбекистонга тўғридан‑тўғри парвозларни йўлга қўяди
Илк парвоз Мўғулистон пойтахтидан Тошкентга амалга оширилиши режалаштирилган.
Саида Мирзиёева БМТ бош котибининг иқтисодий ривожланиш бўйича ёрдамчиси билан учрашув ўтказди
Суҳбат давомида аёллар учун имкониятларни кенгайтириш ва ўзбекистонлик мутахассисларнинг БМТ лойиҳаларида иштирок этиши муҳокама қилинди.
Саида Мирзиёева БМТнинг Давлат хизмати бўйича халқаро комиссияси раҳбари билан учрашди. Нималар муҳокама қилинди?
Давлат хизматчиларининг ишини қандай қилиб самаралироқ ва замонавийроқ қилиш мумкинлиги ҳақида фикр алмашилди.
Тошкент халқаро аэропортида капсулали меҳмонхона очилди
Мини-меҳмонхонада олтита капсула мавжуд, жумладан тўртта стандарт бир кишилик ва иккита оилавий капсула.
Жиззахда 8 сотих ерни 130 млн сўмга сотмоқчи бўлган шахс ушланди
Шунингдек, 6 сотих ерни 48 млн сўмга сотаётган фуқаро ҳам қўлга олинган.
Ўзбекистонда электр истеъмоли юқори 18 та тармоқ ўзини ўзи энергия билан таъминлайдиган тизимга ўтказилади
Шавкат Мирзиёев йирик саноат корхоналарини “яшил” энергия билан таъминлаш чора-тадбирларига оид тақдимот билан танишди.
Шавкат Мирзиёев Малайзия бош вазири ўринбосарини қабул қилди. Нималар муҳокама қилинди?
Инновациялар, “яшил” энергетика, кадрлар тайёрлаш, зиёрат туризмини ривожлантириш йўналишларида кооперация лойиҳаларини фаол илгари суриш муҳимлиги қайд этилди.
Фарғонада маҳалла раиси туман ҳокимлигидаги йиғилишдан чиқиб вафот этди
Маҳалла раиси мажлисда соғлиғи билан боғлиқ муаммолар сабабли фаолиятини тўхтатмоқчилиги айтган.
Саида Мирзиёева Президент администрацияси раҳбари лавозимига тайинланди
Давлат раҳбарининг фармони билан Президент администрацияси тузилмасига ўзгартиришлар киритилди.
Комил Алламжонов Саида Мирзиёевага жамоатчилик асосида мустақил маслаҳатчи сифатида тайинлангани айтилмоқда
Комил Алламжонов ўз чиқишлари чоғида матбуот эркин бўлиши кераклиги, сўз эркинлиги барчанинг ҳуқуқи эканини кўп бор таъкидлаган.
Бекзот Мавлонов Президент ёрдамчиси лавозимига тайинланди
Азиз Магрупов эса Президентнинг ташқи инвестициялар масалалари бўйича маслаҳатчиси этиб тайинланди.
Президент экспортчи корхоналарни қўллаб-қувватлаш бўйича топшириқ берди
Шавкат Мирзиёев ташқи савдо ва транспорт-логистика соҳаларида кечиктириб бўлмайдиган чоралар муҳокамаси бўйича йиғилиш ўтказди.
Саидлазиз Саидкаримов Президент администрацияси Назорат инспекцияси бошлиғи лавозимидан озод этилди
Шунингдек, Ҳудудлар билан ҳамкорлик қилиш ва таҳлилий материалларни тайёрлаш департаменти раҳбари ҳам ишдан кетди.
Изоҳ (0)