Ўзбекистондан Москвага учган қатор рейслар захира аэропортларига йўналтирилиши, соғлиқни сақлаш вазирининг икки ўринбосари лавозимидан озод этилиши, Сурхондарёда 18 ёшли йигит Telegramъдаги “история”си сабаб уч йилга қамалиши – “Дарё” нашри 7 майда эълон қилинган Ўзбекистоннинг ижтимоий-сиёсий ҳаётига оид эътиборга молик хабарларни бир жойга тўплади.
Ўзбекистондан Москвага учган қатор рейслар захира аэропортларига йўналтирилди
Бунга Москва шаҳри ҳаво ҳудудининг ёпилиши сабаб бўлди.
Франция Ўзбекистонда уй-жойлар “яшил” реновациясига 30 млн евро ажратади
Турар жой бинолари энергия самарадорлигини ошириш мақсад қилинган.
53 йил аввал учирилган ярим тоннали космик аппарат Ўзбекистонга қулайдими?
Айрим экспертлар сайёралараро космик аппарат айнан Марказий Осиё ҳудудига тушиши мумкинлигини тахмин қилмоқда.
Ўзбекистонда янги ташкил этиладиган таълим ташкилотлари фаолияти икки босқичда йўлга қўйилади
Махсус давлат аккредитациясидан ўтмаган таълим дастурлари бўйича таълим олувчиларни ўқишга қабул қилишга йўл қўйилмайди.
“Учинчи жаҳон уруши аломатлари бор” — Ҳамид Содиқ дунё депрессив ҳолатдалигини айтди
“Иккинчи жаҳон уруши бошланишидан олдин буюк депрессия вужудга келган ва АҚШ тарифлар эълон қилган”, дейди сиёсатшунос.
Ўзбекистоннинг саккизта вилоятида сел хавфи эълон қилинди
8—11 май кунлари ёмғир ёғиши кутилмоқда.
“Бизда тиббиёт ходимлари сонида ҳам, молиялаштиришда ҳам муаммо йўқ. Лекин сифат-чи?” — Шавкат Мирзиёев
Президент тиббиёт соҳасидаги камчиликларни танқид қилди.
Соғлиқни сақлаш вазирининг икки ўринбосари лавозимидан озод этилди
Яна бир ўринбосар Олим Омонов 6 ойда рақамлаштиришда ўзгариш қилмаса, ишдан олиниши ҳақида огоҳлантирилди.
“Поликлиникаларда оилавий шифокорнинг базавий ойлиги 500 доллар, ҳамшираники 300 доллар бўлади” — Шавкат Мирзиёев
Оилавий шифокор ва ҳамшира малака сертификати олса, яна шунча устама тўланади.
Ўзбекистонда “Тиббиётда 90 кунлик ўзгаришлар” дастури бошланади
Ҳокимлар тиббиёт муассасаларида навбатни тартибга келтириш, ногиронлар ҳаракатланиши учун инклюзив муҳит яратиш, қўл ювишга иссиқ суви бор покиза ҳожатхоналар ташкил этиш учун масъул бўлади.
Таълим сифатини таъминлаш миллий агентлигига директор тайинланди
Адҳам Худойқулов тайинловга қадар “Таълим соҳасидаги лойиҳалар маркази” лойиҳа офиси раҳбари сифатида фаолият олиб борган.
Самарқанддаги боғчада хўжалик мудири тарбиячига пичоқ билан таҳдид қилди (видео)
Вилоят Мактабгача ва мактаб таълими бошқармаси ҳолат юзасидан маълумот берди.
Сурхондарёда 18 ёшли йигит Telegramъдаги “история”си сабаб уч йилга қамалди
У жойлаган видеода террорчилик ташкилотининг қора қора байроғи кўринган.
Шавкат Мирзиёев Германия Федерал канцлери Фридрих Мерцни ушбу лавозимга сайлангани муносабати билан табриклади
Давлат раҳбари ўз мактубида Германия жаҳоннинг етакчи демократик ва иқтисодий ривожланган мамлакати сифатида ўз мавқейини янада мустаҳкамлашда давом этишига ишонч билдирган.
Низомий номидаги Ўзбекистон миллий педагогика университетига ректор тайинланди
Эъзозхон Каримова тайинловга қадар Ихтисослаштирилган таълим муассасалари агентлиги директори маслаҳатчиси лавозимида ишлаб келаётган эди.
Тошкент вилоятидаги мактабда дарсга кеч қолганлар ўт юлишга мажбурланди
Мактабгача ва мактаб таълими бўлими томонидан тузилган ишчи гуруҳ мазкур ҳолатни ўрганди.
Наманган давлат университетига ректор тайинланди
Шу муносабат билан Абдуғаффор Қирғизбоев Низомий номидаги Тошкент давлат педагогика университети ректори лавозимидан озод этилди.
ТИВ Ҳиндистон-Покистон можаросига муносабат билдирди
Қайд этилишича, Ўзбекистон томони Ҳиндистон ва Покистон ўртасидаги кескинлашиб бораётган ҳолатнинг ривожланишини хавотир билан кузатмоқда.
Изоҳ (0)