Prezident farmoni bilan, Saidlaziz Saidkarimov boshqa ishga o‘tishi munosabati bilan Prezident Administratsiyasi Nazorat inspeksiyasi boshlig‘i lavozimidan ozod etildi. Bu haqda Prezident matbuot xizmati xabar berdi.
Shuningdek:
- O‘tkirjon Qodirov Hududlar bilan hamkorlik qilish va tahliliy materiallarni tayyorlash departamentining rahbari lavozimidan;
- Jahongir Ibragimov Rejalashtirish va axborot taʼminoti departamenti rahbari o‘rinbosari lavozimidan ozod etildi.
Prezident farmoni bilan Prezident administratsiyasi tuzilmasiga o‘zgartirishlar kiritilgani haqida xabar berilgandi. Davlat rahbarining farmoni bilan Saida Mirziyoyeva Prezident administratsiyasi rahbari lavozimiga tayinlandi.
Shuningdek, Komil Allamjonov Prezident administratsiyasining yangi rahbari Saida Mirziyoyevaga jamoatchilik asosida mustaqil maslahatchi sifatida tayinlandi.
Shu bilan birga, Bekzot Mavlonov Prezident yordamchisi lavozimiga, Aziz Magrupov Prezidentning tashqi investitsiyalar masalalari bo‘yicha maslahatchisi lavozimiga tayinlandi.
Izoh (0)