Канаданинг Алберта вилоятидан бўлган Девид Серкин саратондан даволангач, бир неча уринишдан сўнг лотереяларда бош ютуқни қўлга киритди. Эркакнинг омади ҳақида The Guardian нашрида хабар берилди.
Эркакнинг айтишича, 1982 йилдаёқ лотерея чипталарини харид қилишни бошлаган. Серкин чипта сотиб олиш ва текшириш жараёнини ёқтиришини таъкидлаган.
Ўн йил олдин канадалик биринчи марта 250 минг доллар ютиб олишга эришган. Кейинчалик Серкин 2024 йил августда 500 минг доллар, ноябрда 1 миллион доллар, 2025 йил майда эса яна 1 миллион доллар ютди. Қизиқ томони шундаки, сўнгги лотерея чиптасини у тасодифан ўз шаҳри Летбриждаги ёнилғи қуйиш шохобчасидан сотиб олган.
“Биламан, бундай имконият жуда кам учрайди ва бу такрорланмаса керак, деди Серкин. — Лекин барибир чипта сотиб олишни яхши кўраман”. The Guardian маълумотига кўра, эркакнинг биринчи ютуқни қўлга киритиш эҳтимоли 33,3 миллионга 1 нисбатда бўлган.
“Мен саратонни енгиб ўтдим ва ҳозир нафақадаман, шунинг учун буларнинг барчаси учун миннатдорман”, деб эътироф этди Серкин. Эркак сўнгги лотереядан ютган пулини рафиқаси билан Гавайи оролларига саёҳат қилишга сарфлади. Ҳозирда эр-хотин Ньюфаундлендга боришни режалаштирмоқда.
Изоҳ (0)