АҚШ президенти Дональд Трамп Хитойда иш ўрни яратадиган компанияларнинг давлат шартномаларини бекор қилиш билан таҳдид қилди. Бу ҳақда у Оқ уйда ўтказилган матбуот анжуманида маълум қилган, деб хабар беради Bloomberg.
Трампнинг сўзларига кўра, унинг вазифаси АҚШда янги иш ўринларини яратиш, шунингдек, ҳаёт учун муҳим бўлган товарларни ишлаб чиқаришдан иборат. «Хитой ва бошқа мамлакатларда иш ўрни яратиб, бизга хиёнат қилган компанияларни божлар билан кўмиб ташлаймиз», — дейди Америка етакчиси.
«Агарда улар шу ерда ишлаб чиқаришни амалга ошира олмаса, у ҳолда катта солиқ тўласин ва бизга ўтказсин. Ва биз ишлаб чиқаришни Хитойга олиб чиқиб кетаётган компанияларга давлат шартномалари берилишини тақиқлаб қўямиз. Биз Хитойни коронавирусни бутун дунёга тарқалишига йўл қўйгани учун жавоб беришга мажбур қиламиз. Улар ўз армиясини бизнинг пуллар эвазига кучайтирмоқда, мен эса буни хоҳламайман», — дея қўшимча қилади Трамп.
Америка етакчиси, шунингдек, Хитой мавзусини ноябрда ўтказиладиган президентлик сайловларидаги рақиби Жо Байден билан ҳам боғлаган. Унинг сўзларига кўра, Демократлар партияси номзодининг ғалабаси Хитойнинг ғалабасини билдиради. «Улар бизнинг мамлакатга эгалик қилади. Мен ғолиб бўлсам эса, Америка Хитойга боғлиқликка бутунлай барҳам берган ишлаб чиқарувчи супердержавага аяланади», — дея ваъда беради Трамп.
Мавзуга доир:
Изоҳ (0)