Алп тоғлари манзарасига бой Швейцариянинг Албинен қишлоғи одамларга кўчиб ўтиш учун 20 минг Швейцария франки (тахминан 26 минг доллар) таклиф қилмоқда. Оилаларга, шунингдек, ҳар бир бола учун қўшимча равишда 13 минг доллардан тўланади, дея аниқлик киритади Holiday Pirates сайти.
Қайд этилишича, ушбу ташаббус туманнинг депопуляциясига қарши курашишга қаратилган. Бироқ гўзал қишлоққа кўчиб ўтиш унчалик осон иш эмас, чунки таклифнинг бир қатор қатъий талаблари мавжуд.
Албиненнинг потенциал янги аҳолиси қишлоқдан уй сотиб олиши керак бўлади, уй-жой нархи 200 минг Швейцария франки (243 000 доллар) атрофида бўлади.
Бундан ташқари, дастурда иштирок этиш учун 45 ёшдан кичик бўлиш керак.
Кўчиб ўтиш учун катта миқдордаги тўловни олиш эвазига бажарилиши керак бўлган асосий талаб: ариза берувчи Албиненда 10 йил яшаши ва охир-оқибат Швейцария фуқароси бўлиши керак.
Изоҳ (0)