Футбол бўйича Жаҳон Чемпионати 3-саралаш босқичи доирасидаги БАА – Ўзбекистон ўйинидан аввал матбуот анжумани ўтказилмоқда.
Анжуманнинг биринчи қисмида мезбон терма жамоа бош мураббийи Космин Олариу ва жамоа дарвозабони Ҳолид Эйса иштирок этди.
Космин Олариу ўз меҳнати орқали БААни катта ютуқларга эришишига ёрдам бера олишини айтди.
Бу осон бўлмаслиги аниқ, аммо биз барчасига тайёрмиз. Эртага жуда қийин ўйин бўлади. Ўзбекистон гуруҳдаги энг яхши жамоалардан бири. Улар жуда тартибли ва баланс футбол намойиш этишмоқда. Биз сўнгги бир ҳафта давомида имкон қадар яхши тайёргарлик кўришга ҳаракат қилдик. Энди эса йигитларни тўғри йўналтириши ва мотивация беришимиз керак. Катта ўйин ва катта жанг. Биз ўзимизнинг имкониятимизга ишонамиз. Бор кучимиз билан курашамиз, деди у.
Холид Эйса эса эртага осон ўйин бўлмаслиги аниқлигини таъкидлади.
Ҳозир бизда Космин Олариу каби тажрибали мураббий бор. Ушбу инсон 10 йилдан буён БААда ишлаб келмоқда. Эртага муваффақиятли натижага эришиш учун боришимиз берамиз, дейди дарвозабон.
БАА бош мураббийи тайёргарлик қандай ўтгани, умумий кутилмалар қандайлиги хусусида берилган саволга жавоб берди.
Жамоада бош мураббий алмашганида кўп нарса ўзгариши аниқ. Мен терма жамоадаги футболчиларни кўп йиллардан бери танийман. Бундай қисқаа вақт ичида катта ўзгаришлар қилиш қийин. Сўнгги бир ҳафта давомида биз тайёргарлик олиб бордик. Футболчиларда иштиёқ жуда йўқори, айрим вазиятларда мен уларга тинчланиш кераклиги ҳақида ҳам айтдим. Бу яхши ҳислат деб ўйлайман, деди мутахассис.
Дарвозабон Холид Эйса Ўзбекистон билан ўйиндан нималарни кетаётгани ҳақида гапирди.
Очиғини айтсам, биз Космин Олариу билан ишлашдан хурсандмиз. У жуда тажрибали ва катта номга эга инсон. Мен 15 йилдан бери терма жамоа шарафини ва клубларда ўйнаб келмоқдаман. У кучли руҳиятга эга. Бундай ҳислатларга эга мураббийни кўрмаганман. Олариу каби қисқа вақт ичида керакли натижага эриша оладиган мураббий деярли йўқ. Олариу қўл остида муваффақиятга эришамиз деган умиддаман, деган у.
Космин Олариу БАА мундиалга чиқишган ҳар қачонгидан ҳам яқин эканлигини айтди.
Ҳозир бутун миллат бунга ишонмоқда. Биз ўз юришимизда давом этишимиз керак, холос. Жуда кўплаб учрашувларда биз рақибдан яхшироқ бўлган эдик, аммо натижа ҳар доим ҳам биз кутгандек бўлмаганди. Биз барчамиз Жаҳон чемпионатига чиқишни хохлаймиз. Бу бизнинг орзуимиз. Орзумизга эришиш учун навбатдаги беш кунда бирлашишимиз керак, дейди БАА терма жамоаси бош мураббийи.
Изоҳ (0)