Futbol bo‘yicha Jahon Chempionati 3-saralash bosqichi doirasidagi BAA – O‘zbekiston o‘yinidan avval matbuot anjumani o‘tkazilmoqda.
Anjumanning birinchi qismida mezbon terma jamoa bosh murabbiyi Kosmin Olariu va jamoa darvozaboni Holid Eysa ishtirok etdi.
Kosmin Olariu o‘z mehnati orqali BAAni katta yutuqlarga erishishiga yordam bera olishini aytdi.
Bu oson bo‘lmasligi aniq, ammo biz barchasiga tayyormiz. Ertaga juda qiyin o‘yin bo‘ladi. O‘zbekiston guruhdagi eng yaxshi jamoalardan biri. Ular juda tartibli va balans futbol namoyish etishmoqda. Biz so‘nggi bir hafta davomida imkon qadar yaxshi tayyorgarlik ko‘rishga harakat qildik. Endi esa yigitlarni to‘g‘ri yo‘naltirishi va motivatsiya berishimiz kerak. Katta o‘yin va katta jang. Biz o‘zimizning imkoniyatimizga ishonamiz. Bor kuchimiz bilan kurashamiz, dedi u.
Xolid Eysa esa ertaga oson o‘yin bo‘lmasligi aniqligini taʼkidladi.
Hozir bizda Kosmin Olariu kabi tajribali murabbiy bor. Ushbu inson 10 yildan buyon BAAda ishlab kelmoqda. Ertaga muvaffaqiyatli natijaga erishish uchun borishimiz beramiz, deydi darvozabon.
BAA bosh murabbiyi tayyorgarlik qanday o‘tgani, umumiy kutilmalar qandayligi xususida berilgan savolga javob berdi.
Jamoada bosh murabbiy almashganida ko‘p narsa o‘zgarishi aniq. Men terma jamoadagi futbolchilarni ko‘p yillardan beri taniyman. Bunday qisqaa vaqt ichida katta o‘zgarishlar qilish qiyin. So‘nggi bir hafta davomida biz tayyorgarlik olib bordik. Futbolchilarda ishtiyoq juda yo‘qori, ayrim vaziyatlarda men ularga tinchlanish kerakligi haqida ham aytdim. Bu yaxshi hislat deb o‘ylayman, dedi mutaxassis.
Darvozabon Xolid Eysa O‘zbekiston bilan o‘yindan nimalarni ketayotgani haqida gapirdi.
Ochig‘ini aytsam, biz Kosmin Olariu bilan ishlashdan xursandmiz. U juda tajribali va katta nomga ega inson. Men 15 yildan beri terma jamoa sharafini va klublarda o‘ynab kelmoqdaman. U kuchli ruhiyatga ega. Bunday hislatlarga ega murabbiyni ko‘rmaganman. Olariu kabi qisqa vaqt ichida kerakli natijaga erisha oladigan murabbiy deyarli yo‘q. Olariu qo‘l ostida muvaffaqiyatga erishamiz degan umiddaman, degan u.
Kosmin Olariu BAA mundialga chiqishgan har qachongidan ham yaqin ekanligini aytdi.
Hozir butun millat bunga ishonmoqda. Biz o‘z yurishimizda davom etishimiz kerak, xolos. Juda ko‘plab uchrashuvlarda biz raqibdan yaxshiroq bo‘lgan edik, ammo natija har doim ham biz kutgandek bo‘lmagandi. Biz barchamiz Jahon chempionatiga chiqishni xoxlaymiz. Bu bizning orzuimiz. Orzumizga erishish uchun navbatdagi besh kunda birlashishimiz kerak, deydi BAA terma jamoasi bosh murabbiyi.
Izoh (0)