“Барселона” футболчини рўйхатдан ўтказиш билан боғлиқ муаммони ҳал қилмаса, ярим ҳимоячиси Дани Ольмони мавсумнинг қолган қисмида ижарага юбора олмайди. Бу ҳақда Partidazocope хабар берди.
Аввалроқ Испания футбол федерацияси (RFEF) “Барселона”нинг 2024/2025 йилги мавсумнинг иккинчи ярми учун ярим ҳимоячи Даниэль Ольмо ва ҳужумчи Пау Викторни таркибга киритиш ҳақидаги илтимосини рад этгани хабар берилган эди.
Клуб Ольмони 2024 йилнинг ёзида “РБ Лейпциг”дан 55 миллион еврога сотиб олган ва йил сўнггигача рўйхатдан ўтказа олганди.
“Барселона” Ольмо ва Викторни янгиланган “Камп Ноу” стадионида VIP ўриндиқларни сотиш орқали рўйхатга олиш учун тегишли молиявий назорат қоидаларига риоя қилишга ҳаракат қилди, аммо бу етарли деб топилмади.
Дани Ольмо “Барселона” сафида ўтган олти ой давомида барча турнирларда 15 та ўйин ўтказиб, 6 та гол урди ва 1 та голли узатма амалга оширди. Пау Виктор 13 учрашувда қатнашди ва 2 та гол уришга эришди.
Изоҳ (0)