“Barselona” klubi yarim himoyachisi Dani Olmo kataloniyaliklar safida qoladi. Futbolchining agenti Endi Bara uning mijoziga “Manchester Siti” tomonidan qiziqish borligi haqidagi xabarlarni rad etdi.
Baraning aytishicha, mijozi Kataloniyada juda ham baxtli. Tarqalgan mish-mishlar haqiqatga to‘g‘ri kelmaydi:
Biz hech qanday klub bilan muzokara olib bormayapmiz. Dani hozirda “Barselona”da juda baxtli. Olmo Kataloniyada ko‘plab sovrinlar yutmoqda va ajoyib jamoaning bir qismiga aylangan. Tarqalgan mish-mishlar haqiqatga to‘g‘ri kelmaydi. Biroq, kelajakda nima bo‘lishini hech kim aniq bilmaydi, dedi agent jurnalist Patrik Berger bilan suhbatda.
Dani Olmo “Barselona” safiga o‘tgan yozda qo‘shilgan edi. U joriy mavsumda barcha turnirlar doirasidagi 37 o‘yinda maydonga tushib, 11 ta gol va 7 ta golli uzatmaga mualliflik qildi. Uning klub bilan amaldagi shartnomasi 2030-yilning yozigacha mo‘ljallangan. Transfermarkt portali ma’lumotiga futbolchining qiymatini 60 million yevroga baholagan.
Izoh (0)