“Астон Вилла” клубининг марказий ҳужумчиси Жон Дураннинг спорт агенти Каталониянинг “Барселона” клуби раҳбарияти билан учрашди. Бу ҳақда Sport.es хабар бермоқда.
Манбага кўра, “Барселона” келаси мавсум учун таркибни шакллантириш устида ишламоқда ва турли лигалардаги ёш, истиқболли футболчиларни кузатмоқда. Пау Виктор ва Даниэль Ольмо билан боғлиқ вазият жамоада таркиб ротацияси масаласини ҳозирданоқ долзарб вазиятга олиб келган.
Эслатиб ўтамиз, ўтган йилнинг октябрь ойида Дуран “Астон Вилла” билан шартномасини 2030 йилнинг июнь ойигача узайтирди. Жорий мавсумда колумбиялик футболчи 26 та ўйинда майдонга тушиб, 12 та гол уришга муваффақ бўлди. Transfermarkt портали маълумотларига кўра, футболчининг қиймати 40 миллион еврони ташкил этади.
Аввалроқ “Барселона” футболчини рўйхатдан ўтказиш билан боғлиқ муаммони ҳал қилмаса, ярим ҳимоячиси Дани Ольмони мавсумнинг қолган қисмида ижарага юбора олмаслиги маълум бўлганди.
Маълумот учун, “Барселона” Ла Лигада 19 та турдан сўнг 38 очко тўплаб, 3-ўринда бормоқда. Клуб кейинги учрашувни эртага, 8 январь куни “Атлетик”ка қарши ўтказади.
Изоҳ (0)