Шакира Пике устидан судда ғалаба қозонганидан сўнг фарзандлари билан Барселонадан Майамига кўчиб ўтди. Бу ҳақда у ўзининг ижтимоий тармоқлардаги саҳифасида маълум қилди.
“Мен болаларга барқарор ҳаётни таъминлаш учун Барселонага кўчиб келгандим. Ҳозирда биз худди шундай барқарорликни дунёнинг бошқа бурчагида, оила, дўстлар даврасида ва денгизга яқин жойдан қидирмоқдамиз. Бугун биз бахтимизни излашда янги саҳифани бошлаймиз. Барселонада ёнимда бўлган барчага раҳмат — бу жой дўстлик севгидан кўра узоқроқ давом этишини англаган шаҳрим”, — деб изоҳ қолдирган хонанда.
Испаниянинг La Vanguardia газетасининг маълумотига кўра, Шакира аллақачон Майамига учиб кетган. Хонанданинг ўғиллари 11 апрель куни ўша ердаги мактабга боради.
Шакира ноябрь ойида суд орқали фарзандларининг васийлигини олган эди. Хонанда ўғиллари Майамида у билан яхшироқ яшашини айтган, чунки Барселонада уларни доимий равишда папарацсилар таъқиб қилади. Пике эса болаларнинг у билан Каталонияда яшашини хоҳлаган.
Шакира ва Пике 2022 йилнинг июнь ойида ажрашишини эълон қилди. Улар 2010 йилдан бери бирга яшаб келаётган эди, бироқ жуфтлик расман турмуш қурмаган. Миш-мишларга кўра, уларнинг ажрашишига Пикенинг 23 ёшли севгилиси билан хиёнати сабаб бўлган.
Изоҳ (0)