Хонанда Шакира ўғилларини таъқиб қилаётган журналистлардан шикоят қилди

Колумбиялик хонанда Шакира футболчи Жерар Пике билан ажрашгач, журналистлар унинг фарзандларини таъқиб қилаётгани ҳақида сўзлаб берди.

Хонанда ўзининг Instagram саҳифасида матбуот вакилларини 11 ёшли ўғли Милан ва 8 ёшли Сашани таъқиб қилишни тўхтатишга чақирди.

“Машҳур инсон сифатида ҳаётим ўзгариб бораётган бир пайтда, матбуот вакилларининг менга ва оиламга доимий қизиқишини тушуниш мумкин. Бироқ фарзандларим Милан ва Саша Барселонадаги папарацилар ва турли оммавий ахборот воситалари вакилларининг тинимсиз таъқибларидан азоб чекиб, жуда оғир йилни бошдан кечирди. Фарзандларим ҳаётидаги янги босқичга қадам қўяётганида уларнинг номидан оммавий ахборот воситалари вакилларини болаларимнинг шахсий дахлсизлик ҳуқуқини ҳурмат қилишга чақираман”, — дейди хонанда.

Хонанда оммавий ахборот воситалари вакилларидан ўғиллари мактабга кетаётганда ёки мактабдан кейин дам олиш тадбирларига борганда уларни кузатишни тўхтатишини сўради.

“Журналист ва фотографлар Милан ва Саша қандай вазиятга тушиб қолганини тушунишига ва уларга имкон қадар инсоний муносабатда бўлишига ишонаман. 8 ва 10 ёшли икки боланинг саломатлиги, жисмоний ва ҳиссий яхлитлиги ҳақида гапираётганимизни ёдга олиб айтмоқчиманки, улар шунчаки ташқарига чиқиб, мактабга боришни, ўзларини хавфсиз ҳис қилишни ва таъқиб қилмасликларини ёки доимий камера назорати остида бўлмаса ўзини хотиржам ҳис этишни хоҳлашади. Энди бу илтимосимни санъаткор сифатида эмас, балки ҳар бир бола муносиб бўлган соғлом ва бахтли ҳаёт кечириши учун ўз фарзандларининг психологик ва руҳий саломатлигини асраш, уларга ғамхўрлик қилишни хоҳлайдиган она сифатида айтяпман”, — дейди Шакира.