Соат миллари тинимсиз олдинга интилиб, ёз фасли ҳам аста-секин ўз ниҳоясига етмоқда. Бугун хорижнинг таниқли аёллари ёзнинг сўнгги иссиқ кунларини қандай ўтказаётганини билишга қарор қилдик.
Меделин Петш
Меделин кириб келаётган куз фаслига нафақат руҳан, балки, ташқи томондан ҳам тайёр. Юлдуз янги турмак орқали қиёфасига бир оз ўзгартириш киритишга қарор қилди.
Сидни Суини
Бонжоур! Сидни энг романтик шаҳарлардан бири бўлган Париждан илиқ саломлар йўлламоқда. Америкалик актриса Франциянинг энг диққатга сазовор жойларида сайр қилаётган расмларини мухлисларига ҳавола этди.
Жессика Альба
Актриса тинчлик ва осойишталик ҳукм сурадиган табиат қўйнида вақт ўтказишни яхши кўради. Бу сафар ҳам у шаршаралар ва ям-яшил боғларда сайр қилган ва голф ўйнаган суратларини Instagram саҳифасига жойлаштирди.
Дуа Липа
Хонанда ўз вақтини ҳеч қачон беҳуда ўтказмайди. Дуа бўш вақтида доимо китоб ўқишга одатланган.
Изабел Гулар
Изабел сўнгги кунларда ўзининг ижтимоий тармоқларда асосан иссиқ мамлакатларда дам олиб, вақтни қизиқарли ўтказаётган суратлар билан бўлишди. Ёз фасли соз ўтгани юлдузнинг кайфиятида яққол намоён.
Кендалл Женнер
Ёз — бу янги билимлар эгаллаш ва кашфиётлар қилиш вақти, шунинг учун Женнер ҳам дунёқарашини кенгайтиришга ва кулолчиликни ўрганишга қарор қилди. Бундан ташқари, Кендалл от миниш машғулотларини ҳам жуда яхши кўради.
Эмилия Кларк
Эмилия Кларк Италияга саёҳат учун ташриф буюрди. Қадимий архитектура намуналарига бой мамлакат унда катта таассуротлар қолдирди.
Шунингдек, Кларк экстремал пойга билан ҳам шуғулланиб кўрди. Актрисанинг табассумидан чексиз ижобий кайфият уфуриб турибди.
Ирина Шейк
Ёзги таътилда таниқли модел табиат қўйнида ҳордиқ чиқарди.
Жордин Вудс
Кўплаб юлдузлар Италияда дам олаётган бир пайтда Жордин Вудс япон маданияти билан яқиндан танишмоқда.
Шакира
Хонанда ёзда ҳам меҳнат қилишни канда қилмади. Ҳамма дам олаётган бир пайтда Шакира янги лойиҳалар устида иш олиб бормоқда.
Изоҳ (0)