Нью Йоркдаги Метрополитен музейида Костюм институти кўргазмасининг очилишига бағишланган анъанавий тадбир Met Gala 2025 қизил йўлаги ташкиллаштирилди. Бу йил 10 майдан 26 октябргача давом этадиган экспозиция мавзуси — “қора денди” деб аталди. 
 

Кўргазмадан илҳомланган балнинг мавзуси “Сиз учун тикилган” тариқасида янграйди ва тикувчилик санъатига, яъни буюртма асосида яратилган ва қоматга моҳирона мослаштирилган ҳашаматли либосларга урғу беради. Аксарият дизайнерлар қизил йўлак учун эркаклар модаси элементларидан фойдаланганлар: кўплаб меҳмонлар қатъий бичимли костюмлар ва авангард кўринишдаги ҳашаматли деталларга эга эди. 2025 йили Met Galaʼнинг энг ёрқин образлари ва тафсилотларини танлаб олдик, сиз ҳам баҳо беринг.

Кечанинг бошловчилари чапдан ўнгга: Vogue журналининг бош муҳаррири Анна Винтур, актёр Колман Доминго ва пойгачи Льюис Ҳемилтон. Винтурнинг устида Louis Vuittonʼнинг эксклюзив кўйлаги, Ҳемилтон эса Wаles Bonner костюмида. Доминго қизил гиламга Valentino брендининг ёрқин кўк рангли палтоси билан чиқди, унинг ёқаси безатилган эди. Кейинроқ актёр палтосини ечди ва шу бренднинг костюмида балдаги иштирокини давом эттирди.

Шакира Прабал Гурунгнинг кўйлагида.

Актёр Эндрю Скотт Giuliva Heritage костюмида.

Хонанда ва актриса Жанел Монени Thom Browne палтоси кийган, унинг ичида қизил-қора-оқ рангли костюм ҳам бор эди. Шляпасига бириктирилган соатли моноклда ишлайдиган соат механизми ўрнатилган.

Рианна Маrc Jacobs костюмида.

Мадонна Том Форд костюмида.

Америкалик хонанда, диско юлдузи Диана Росс нигериялик дизайнер Уго Мози томонидан тикилган кўйлак кийган. Беш метрдан узунроқ этакни беш ёрдамчи кўтариб юрган. 2003 йилдан бери биринчи марта балга ташриф буюрган Росснинг шляпасида болалари ва набиралари исмлари туширилган.

Деми Мур галстук шаклидаги Thom Browne кўйлагида.

Эдриан Броуди Fear of God маркасининг костюмида

Британиялик актёр Демсон Идрис Томмй Ҳилфигернинг иккита — пойгачи ва классик услубларидаги костюмида. Эҳтимол, бу образ 2024 йилда у рол ижро этган “Формула-1” фильмига боғлиқдир.

“Ворислар” сериалининг юлдузи австралиялик актриса Сара Снук anOnlyChild брендининг костюмида.

Актриса Зои Салдана Thom Browne кўйлагида.

Зендая Louis Vuitton косюмида.

Болливуд қироли Шоҳрух Хон Met Gala балида илк марта иштирок этди. У кечага Сабиясачи Мукержининг узун палтосида ташриф буюрди.  

Приянка Чопра Balmain кўйлагида.