“Бу муҳаббат ва нафрат курашига ўхшарди”. Хонанда Шакира Пике билан ажрашганидан кейинги ҳаёти ҳақида

Колумбиялик хонанда Шакира Испания терма жамоасининг собиқ ўйинчиси ва “Барселона” командасининг марказий ҳимоячиси Жерар Пике билан ажрашганидан сўнг икки фарзанди билан қандай ҳаёт кечираётгани ҳақида сўзлаб берди.

“Бу муҳаббат ва нафрат курашига ўхшар эди, чунки ҳар сафар студияга борганда ишларим муваффақиятсизликка учрарди. Мен болаларимни қаровсиз қолдираётгандан хотиржам эмас эдим. Баъзан бажараётган ишим менга умуман ёқмаган пайтлар ҳам бўлган. Муҳаббат учун мен кўп нарсани қурбон қилишга мажбур бўлдим.

Ҳозир эса барчаси ўзгарди, энди менга янада қийинроқ бўлди. Чунки икки нафар вояга етмаган бола учун бир ўзим жавобгарман. Уйида ёрдам берадиган турмуш ўртоғи йўқ, ёлғиз онага айланганман.

Қайсидир маънода турмуш ўртоғимнинг биз билан бирга эмаслиги ҳам яхши, чунки… У мени орқага тортар эди. Бугун эса мен яна ўз ишимга қайтдим, кўп қўшиқлар ёзмоқчиман, янги тароналар яратмоқчиман, — дейди Шакира Apple Music’нинг YouTube каналида чиққан видеосида.

Хонанда билан интервью Шакиранинг сўнгги етти йил ичида чиқиши кутилган “Аёллар бошқа йиғламайди” (Las Mujeres Ya No Lloran) номли альбом тақдимоти арафасида қилинган.

Пике ва Шакиранинг ажрашгани 2022 йил июнда маълум бўлди. Ажримга футболчининг кўплаб хиёнати сабаб бўлгани хабар қилинган. Улар 2011 йилдан бирга яшаб келган ва ҳозирда Милан ва Саша исмли икки нафар фарзанди бор.

Кейинроқ Шакира Пикенинг хиёнати ҳақида қаердан хабар топганини айтиб берди. Футболчи реанимацияда ётган вақт Шакира унинг хиёнати ҳақида оммавий ахборот воситаларида ўқиб қолган.