Испания прокуратураси колумбиялик хонанда Шакирани олти миллион евродан кўпроқ миқдордаги солиқларни тўлашдан бўйин товлаганликда айбламоқда. Бу ҳақда “Правила жизни” хабар бермоқда.
Янги текширувлар Шакира томонидан 2018 йилда амалга оширилган ҳуқуқбузарликларга қаратилган. Маълумотларга кўра, хонанда кўчмас мулк ва даромад солиғидан бўйин товлаш мақсадида оффшор фирибгарликдан фойдаланган.
Бундан ташқари, мамлакат ҳукумати Шакирани 2012—2014 йиллар давомида 14,5 миллион евро миқдоридаги солиқни тўламаганликда айбламоқда. Прокуратура Шакира учун саккиз йил қамоқ ва 24 миллион евро миқдоридаги жарима жазоси берилишини талаб қилмоқда. Барселона суди ушбу ишни 2023 йилнинг 20 ноябридан кўриб чиқа бошлайди.
Прокуратура Шакира 2011 йилдан бошлаб футболчи Жерар Пике билан Испанияда яшаганини айтмоқда. Хонанда эса Испанияда муқим яшамагани, кам бўлганини таъкидламоқда.
Футболчи билан ажрашганидан сўнг хонанда ўғиллари устидан васийликни қўлга киритди ва Майамига кўчиб кетди.
Изоҳ (0)