Angliyaning “Manchester Siti” klubi 2025/26-yilgi mavsum uchun yangi uy libosini rasman taqdim etdi. Germaniyaning Puma brendi bu yil ham “shaharliklar” uchun maxsus kiyim yaratgan.
Klub rasmiy saytida bildirilishicha, bu safargi forma “diagonal belbog‘” elementiga ega bo‘lgan. Ushbu chiziq avvalgi mavsumlardagi safar liboslarida mavjud bo‘lib, endi asosiy forma dizayniga kiritildi.
Ma’lumotlarga ko‘ra, erkaklar jamoasi AQSHda bo‘lib o‘tadigan Klublar o‘rtasidagi Jahon chempionati payti yangi libosda maydonga tushadi.
Eslatib o‘tamiz, “Manchester Siti” ayni paytda Angliya Premyer Ligasi turnir jadvalida to‘rtinchi o‘rinda bormoqda. Chempionlikni “Liverpul” muddatidan oldin qo‘lga kiritdi. Yevropa Chempionlar Ligasi ham “Siti” uchun muvaffaqiyatsiz yakunladi. Klub 2012/13-yilgi mavsumdan buyon ilk bor 1/8 finalga chiqa olmadi.
Izoh (0)