АҚШ президенти Дональд Трамп ҳокимиятга келганидан сўнг АҚШнинг дунё бўйлаб обрўси пасаймоқда. Бу ҳақда Politico 2025 йил учун “Демократияни идрок этиш индекси” маълумотларига асосланиб хабар бермоқда.
“Сўровда иштирок этганларнинг кўпчилиги АҚШга нисбатан умуман салбий муносабатда эканини билдирган. Бу эса ўтган йилга нисбатан [obroъning] кескин тушиб кетганини кўрсатади”, дейилади нашрда.
Тадқиқот 100 мамлакатдан 110 мингдан ортиқ респондент иштирокида ўтказилиб, демократия, геосиёсий масалалар ва глобал кучларни идрок этишга бағишланган.
DPI маълумотларига кўра, АҚШ обрўси, айниқса, Европа Иттифоқи (ЕИ) аҳолиси орасида пасайган. НАТОнинг собиқ бош котиби, тадқиқот муаллифларидан бири Андерс Фог Расмуссен “Қўшма Штатлар ҳақидаги тасаввурлар бу қадар кескин пасайиб кетганидан ҳайратда эмасман”, деб таъкидлади.
Тадқиқот натижаларига кўра, Хитой дунё миқёсидаги обрў бўйича биринчи марта АҚШдан ўзиб кетди. Бундан ташқари, Россиянинг обрўси аста-секин ошиб бормоқда. Алоҳида етакчиларнинг обрўсига келсак, АҚШ президенти Дональд Трамп 27 фоиз ижобий баҳо олган бўлса, унинг россиялик ҳамкасби Владимир Путиннинг сиёсатини респондентларнинг 32 фоизи ижобий баҳолаган. ХХР раиси Си Цзиньпинни қўллаб-қувватлаш даражаси ҳам 32 фоизни ташкил этган.
Изоҳ (0)