Сурхондарё вилояти Сариосиё туманида содир бўлган йўл-транспорт ҳодисаси оқибатида бир киши ҳалок бўлди. Бу ҳақда вилоят ИИБ ЙҲХБ ахборот хизмати хабар берди.
Қайд этилишича, 5 май куни соат 15:30 ларда Сариосиё туманида яшовчи 26 ёшли Қ.Б. JBC русумли автомашинасини маҳаллий 4Н-1581 йўлининг 6-километри, “Келажак сари” маҳалласи ҳудудида бошқараётганда маст ҳолда йўлнинг ўнгдан чап қисмига кесиб ўтаётган уч пиёдани автомашинаси билан туртиб юборган.
ЙТҲ натижасида фуқаролар М.Қ. ва З.Т. тан жароҳати олиб, туман шошилинч тез тиббий ёрдам бўлимига ётқизилган. Касалхонада 1979 йилда туғилган фуқаро М.Қ. олган оғир тан жароҳати оқибатида вафот этган.
Ҳолат юзасидан Сариосиё тумани ИИБ Тергов гуруҳи томонидан жиноят иши қўзғатилиб, ҳозирда дастлабки тергов ҳаракатлари олиб борилмоқда.
Пиёдалар билан боғлиқ йўл-транспорт ҳодисалари
Январь бошларида Тошкент вилоятида йўл четидаги икки киши “Жигули” уриб юбориши оқибатида вафот этганди. Шунингдек, Фарғона вилоятида ҳам 2 пиёда ўлими билан боғлиқ йўл-транспорт ҳодисалари содир бўлган эди. Самарқандда Damas уриб юборган икки нафар пиёда шифохонада вафот этган, Тошкентда Lacetti пиёдалар ўтиш жойидан ўтаётган 47 ёшли аёлни уриб юборганди.
Изоҳ (0)