Рационингизга зайтун мойини киритиш учун 8 сабаб

Мутахассисларнинг таъкидлашича, меъёрдаги зайтун мойи соғлиқ учун жуда фойдали ҳисобланади.

1. Зайтун мойи монотўйинмаган ёғларга бой

Зайтун меваси таркибида омега-3 ва омега-6 каби 14 фоиз тўйинган ва 11 фоиз монотўйинмаган ёғ мавжуд. Энг муҳими, мевада монотўйинмаган олейк кислотаси мавжуд бўлиб, у мева таркибининг умумий 73 фоизини ташкил қилади.

Тадқиқотлардан маълум бўлишича, зайтун ёғи яллиғланишни камайтиради ва саратон касаллигининг олдини олади. Бундан ташқари, монотўйинмаган ёғ юқори ҳароратга чидамли бўлиб, қовурилганда ҳам фойдалилигини йўқотмайди

Қўшимчаларсиз тоза зайтун мойи жуда тўйимли ҳисобланади. Унинг таркибида муҳим ёғ кислоталаридан ташқари, К ва Э витаминлари, шунингдек, сурункали касаллик хавфини камайтирадиган кучли антиоксидантлар мавжуд. Улар яллиғланиш билан курашади ва қондаги холестерол оксидланишидан ҳимоя қилади, бу эса юрак хасталигининг олдини олишга ёрдам беради.

Танадаги сурункали яллиғланиш диабет, артрит ва Альцгеймер касаллигига олиб келиши мумкин. Зайтун мойи олеокантал туфайли яллиғланишни камайтиришга ёрдам беради. Олеокантал — ибупрофен каби ишлайдиган антиоксидантдир. Мутахассислар 50 грамм ёғнинг таъсири катталар учун ибупрофеннинг ўн фоиз дозасига тенг эканлигини аниқлашган.

4. Зайтун мойи артрит билан курашишда ёрдам беради

Ревматоид артрит — бу иммунитет сусайганда танадаги соғлом ҳужайралар ва бўғимларни зарарловчи аутоиммун касалликдир. Овқат таркибидаги зайтун мойи оксидловчи стресс ва яллиғланишни камайтиришга ёрдам беради. Шифокорлар уни балиқ ёғи билан бирга истеъмол қилишни маслаҳат беради, бундай аралашма бўғимларни мустаҳкамлайди.

Олимларнинг фикрига кўра, зайтун мойи қондаги шакар миқдорига ва инсулин сезгирлигига яхши таъсир кўрсатади. 418 кишида ўтказилган тадқиқотлар натижасига кўра, Ўрта Ер денгизи парҳези 2-тоифа диабет ривожланиш хавфини 40 фоиздан кўпроққа камайтирган. Бунинг учун қолган элементлар — оқсил ва углеводлар баланси ҳам ҳисобга олиниши керак.

Вазн ташламоқчи бўлганлар рационда ёғ миқдори қатъий чекланган бўлиши лозим. Шунга қарамай, олимлар ва овқатланиш мутахассислари зайтун мойига бой Ўрта Ер денгизи парҳезини соғлиқ учун энг фойдали ва самарали ҳисоблайди. 30 ой давом этган тажрибада ҳар куни 7 мингга яқин испаниялик коллеж талабалари овқатига зайтун мойи қўшиб берилган. Натижада улар нафақат ортиқча вазн тўплашмаган, балки баъзилари озган ҳам.

7. Зайтун мойи инсультнинг олдини олишга ёрдам беради

Ривожланган мамлакатларда инсульт юрак етишмовчилиги касаллигидан кейинги ўринда турувчи ўлим ҳолатларининг иккинчи сабаби ҳисобланади. 841 минг киши иштирок этган 32 та тадқиқот натижасига кўра, олимлар зайтун мойи касалликнинг ривожланиш хавфини камайтирадиган монотўйинмаган ёғларнинг ягона манбаи деган хулосага келган.

Зайтун мойи зарарли бактерияларни, шу жумладан, ошқозон ярасининг кенг тарқалган сабабчиси — helicobacter pylori’ни ҳам йўқ қилади. Шифокорларнинг таъкидлашича, зайтун мойи ушбу бактериянинг саккиз турига қарши курашади, уларнинг учтаси антибиотикларга чидамли бактериялардир. Олимлар инфекцияга қарши курашиш учун ҳар куни 30 грамм зайтун мойи истеъмол қилишни маслаҳат беради.