Астрономлар «Сомон йўли» марказий қора туйнугидан минимал даражадаги узоқликда жойлашган юлдузни аниқлади, деб хабар беради Hi-Tech.Mail.ru. Бундан ташқари, улар бошқа рекордчини — тезлиги ёруғлик тезлигининг саккиз фоизини ташкил этадиган юлдузни ҳам аниқлашга муваффақ бўлган.
«Сомон йўли» марказида юқори массивли Sagittarius А* қора туйнуги жойлашган бўлиб, у билан Ер орасидаги масофа 26 минг ёруғлик йилига тенг. У иссиқ газ булутлари билан қопланган, шунингдек, хира S-юлдузлар гуруҳи ҳам бўлиб, унинг атрофида нисбатан зич жойлашган. Бунга қадар олимлар ўнлаб шу каби объектларни топган, жумладан, қора туйнуқ маркази бўйлаб 9,9 йилда бир маротаба айланишни амалга оширадиган ва бугунга қадар қора туйнук маркази бўйлаб энг қисқа давр ичида айланиб чиқувчи юлдуз дея эътибоф этилган S62 юлдузини ҳам. Эндиликда астрономлар орбитал даври қарийб икки йилга камроқ янги рекордчини топишга муваффақ бўлган.
Кёльн университети Физика институтидан бўлган Флориан Пайскер ҳамкасблари билан SINOFI инфрақизил спектрографлари ҳамда Чилидаги Very Large Telescope’да ўрнатилган NACO қурилмаси ёрдамида олинган маълумотларни таҳлил қилиб кўрди. Олимлар S-синфига кирувчи бешта янги юлдузни, хусусан, S4711 юлдузини аниқлаган. У қора туйнук марказий қисмига бугунги кунга қадар фанга маълум энг яқин юлдуз ҳисобланади.
Кузатишлар шуни кўрсатдики, S4711 бу B8/ 9-V спектрал объекти бўлиб, массаси қуёш массасидан икки баравар катта. У орбита бўйлаб сониясига 6,7 минг километр тезликда ҳаракатланади ва Sagittarius А* атрофини тахминан 7,6 йилда тўлиқ айланиб чиқади. S4711 эллиптик орбита бўйлаб ҳаракатланиб, Sagittarius А* га 144 астрономик бирликка қадар яқинлашади.
Шунингек, астрономлар бошқа бир рекордчини — «Сомон йўли»даги энг тезкор юлдузни — S4714’ни аниқлаган. У сониясига 24 минг километр тезликда Sagittarius А* ни айланади — бу Ер орбитаси бўйлаб Қуёш атрофида бир марта айланиши учун 1,5 сониядан сал ортиқроқ вақт керак бўлишини англатади.
Аввалроқ Испаниядаги Ла-Коруня университети ҳамда Канар оролларидаги Астрофизика тадқиқот институти олимлари «Сомон йўли» галактикаси чегарасида янги юлдузлар туркумини аниқлангани маълум бўлганди.
Изоҳ (0)