Камбағал оилада туғилган оддий мухбир Лорен Санчес қандай қилиб сайёранинг энг бой одами Жефф Безоснинг севгисини қозонди?

У дунёдаги энг қиммат ажрим сабаби бўлди ва у залга кирганда, ҳатто Марк Цукерберг ҳам ундан кўз узолмайди — буларнинг ҳаммаси Amazon эгаси Жефф Безоснинг севимли аёли — Лорен Санчес ҳақидаги таърифлар эди. Сўнгги ойларда ижтимоий тармоқларда, агар севгилингиз Жефф Безос каби сизни дугоналарингиз билан космосга юборишга ва Венецияни тўй учун ижарага олишга тайёр бўлмаса, унда муносабатларнинг маъноси йўқ, каби ҳазиломуз гаплар юрибди. Дунёнинг энг бадавлат одамларидан бирининг ҳамроҳи ва илҳом парисига айланган Лорен Санчес қандай қилиб Голливуддан Силикон водийсигача бўлган ҳудудда энг нуфузли аёлга айланди?

“Мен машинанинг орқа ўриндиғида ухлардим”

Лорен Санчес 1969 йилда Албукерке шаҳрида туғилган. Унинг оиласи тирикчилик қилиш учун курашган, шу сабабли одамлар орасида ўзини танитиш мақсадида Санчес доимо бошқалардан икки баравар кўп ишлаши керак эди. Университетда ўқиш учун пул йўқ эди, аммо Лорен стипендия олишга эришди ва олий маълумот олди.

Илгари мен, бувим бошқаларнинг уйини тозалаётган пайтда машинанинг орқа ўриндиғида ухлардим, деб эслайди Санчес.

Университетни тугатгандан сўнг аёл дарҳол Лос Анжелесдаги Channel 13 телеканалига мухбир бўлиб ишга кирди ва бир неча йил ичида у продюсер лавозимига кўтарилди.

Санчеснинг жозибадорлиги ва харизмаси тезда томошабинларнинг эътиборини қозонди. 1999 йилда у UPN News 13 даги репортаж учун “Эмми” мукофотини олди. У шу билан тўхтамади ва турли хил Америка каналларида тинимсиз ишлади.

Мен шунчаки ўз йўлимни топишга ва ўзимни кўрсатишга ҳаракат қилардим, деди у журналистика соҳасидаги дастлабки қадамларини эслаб бир интервьюсида.

Санчес эркаклар эътиборидан ҳам ҳеч қачон маҳрум бўлмаган. У телевидениеда ишлаш даврида футболчи Тони Гонзалес билан танишди ва ҳомиладор бўлди. 2001 йилда Лорен ўғил фарзандни дунёга келтирди, аммо шунда ҳам севгилисидан турмуш қуриш таклифи бўлмади.

Улғайганингизда турмуш қуриш ва фарзандли бўлишни хоҳлайсиз, лекин кейинроқ буни муваффақиятли амалга ошириш қанчалик қийинлигини тушунасиз, деди Тони Гонзалес кўп йиллар ўтгач, ажралишдан кейин, Санчес билан муносабатлари ҳақида.

Санчес энди нафақат ўзига, балки фарзандига ҳам ғамхўрлик қилиши кераклигини англаб, мартаба зинапоясидан юқорига кўтарилиш учун янги йўллар излай бошлади. У Fox каналидаги “Рақс” — So You Think You Can Dance Америка шоусининг биринчи бошловчиси бўлди ва яна бир нечта “Эмми” мукофотига номзод бўлган репортажларни суратга олди.

Бу сафар жозибадор ва ақлли қора сочли аёл Голливуддаги WME агентлиги бош директори Патрик Уайцелл эътиборини жалб қилди. 2005 йилда жуфтлик шов-шувли тўй ўтказди, унда Ҳью Жекман каби кўплаб таниқли шахслар иштирок этди, у янги турмуш қурганлар учун романтик қўшиқ ижро этди, шунингдек, тўй маросимида Метт Деймон ва Бен Аффлек ҳам бор эди.

Метт ва Бен кўпинча бир-бирларини кўрмайдилар, шунинг учун биз уларни ёнма-ён ўтиришга мажбур қилдик, деди Санчес People журналига берган интервьюсида.

Турмушга чиққандан сўнг, Лорен ўз карьерасида кичик танаффус олди ва ўзини оналик вазифасига бағишлади. У яна иккита фарзандни дунёга келтирди: Эван исмли ўғил ва Элла исмли қиз. Уй бекаси роли Санчесга умуман мос келмади ва у яна ишга қайтишни хоҳлади. 2011 йилда у Extra каналига махсус мухбир бўлиб ишга кирди.

Севимли ва таниқли миллионер эри томонидан берилган мустаҳкам қўллаб-қувватлаш унинг карьерасида янги поғона бўлди. Лорен кинода рол ўйнади ва ўзи учун янги ҳобби — вертолётда учишни кашф этди. Унинг бу ҳоббиси Netflix, Fox ва Amazon Studios учун ҳаводан суратга олиш билан шуғулланадиган Black Ops Aviation компаниясини очишига олиб келди. Серқирра аёлнинг айнан учишга бўлган муҳаббати дунёнинг энг бой одами Жефф Безос билан шов-шувли романтик муносабатларни ривожлантиришга туртки бўлди.

“Мен идиш-товоқ юваман — бу мени янада севимли қилади”

Лорен Санчес ва Жефф Безос 2016 йилда “Manchester by the Sea” фильмининг премерасида танишишди. Бу пайтда Санчес каби, Безос ҳам 25 йиллик турмушда яшаётганди. Безоснинг собиқ аёли Маккензи Скотт билан муносабатлар Жефф Amazon’ни ташкил қилишдан олдин бошланган эди. Маккензи биргаликда яшаб ўтилган йиллар давомида севимли эрини қўллаб-қувватлади ва унинг муваффақиятига ишонган эди.

Жуфтлик тўртта фарзандни тарбиялаётган ва тинч, сокин ҳаёт кечиришарди. Жамоатчиликка олдида эр-хотин ортиқча назарлардан қочишарди ва фақат баъзан бир-бирларига нисбатан романтик сўзлар билан жамоатчиликни хурсанд қилишарди.

Хотиним ҳали ҳам мени ёқтиришини айтади. Мен ҳар куни кечқурун идиш-товоқ юваман — ва бу унинг кўзида мени янада севимли қилишини кўраман. Бу мен унинг учун қиладиган барча нарсаларнинг энг эҳтирослисидир, деб ҳазиллашди миллиардер.

Безоснинг ҳаётида Санчес пайдо бўлганидан кейин оилавий тинчликка дарз кетди. Ҳаммаси бизнес муносабатларидан бошланди: миллиардер Black Ops Aviation’га ўз компаниялари учун бир нечта роликларни суратга олишни таклиф қилди. Кейин унинг ўзи, гарчи 2003 йилдаги авиация ҳалокатидан кейин бундан жуда қўрқса ҳам, жозибали журналист билан вертолётда учишга қарор қилди.

Учрашувлар Жефф ўз ҳис-туйғуларини яширмаган севги хатлари билан мустаҳкамланди.

2019 йилда Безос ва Санчес ўз турмуш ўртоқлари билан ажрашиш учун ариза беришди ва ўзларини жуфтлик деб эълон қилишди, аммо жамоатчилик учун бу воқеа романтик эмас, балки жанжалли тус олди.

“Бу мен билган Жефф эмас”

Лорен Санчеснинг ҳаётига кириб келиши билан Amazon эгаси бутунлай ўзгариб, ёпиқ инсондан очиқ ва ёрқин инсонга айланди. Жозибали шериги билан бирга Жефф байрам кечаларига, мукофотлар билан тақдирлаш маросимларига ва мода тадбирларига боришни бошлади.

Мен Жеффни Амазон’нинг дастлабки кунларидан биламан ва унинг сўнгги даврдаги ўзини тутиши умуман мен кутган инсонга ўхшамайди. Бу мен билган Жефф эмас, деди Page Six’га Безоснинг собиқ ҳамкасбларидан бири.

Доимо замонавий кийинган Санчесга мослашиш учун Безос ўз имижини бутунлай ўзгартирди: у замонавий бренд костюмларини кийиб, аввал яширган мускулли танасини очиқчасига кўрсатишни бошлади.

Имиж ўзгариши унга фойда келтирди ва 2020 йилда унинг биринчи марта “Оскар” мукофотига борганини кўришди, унга аҳамият беришди, аслида, Безос у ерга биринчи марта бориши эмасди, шунчаки авваллари у доим сояда қолиб кетарди.

Жефф Безос бу ерда! Жефф Безос жуда бой — у ажрашди ва барибир дунёдаги энг бой одам бўлиб қолди, деб ҳазиллашди маросимни олиб борувчи Крис Рок саҳнадан.

Санчес билан танишганидан кейин миллиардер Безос Ер фонди ташкил қилди ва унга севимли аёлини вице-президент этиб тайинлади.

Севгилиси учун Санчес ҳам ўзгара бошлади, шахсий ҳаёти ҳақида батафсил маълумот беришни тўхтатди ва Безос билан бирга хайрия ишлари билан шуғулланди.

Бу қийин. Мен жуда очиқ одамман. Кўп гапираман. Ўз сирларимни баҳам кўришни яхши кўраман. Аммо мен энди бундай қила олмаслигимни тушунишим керак, деди Санчес интервьюларнинг бирида.

Жуфтлик миллиардер янги аёли билан яшаш учун сотиб олган Warner Bros. қасрида яшайди.

2023 йилда жуфтлик унаштирув ҳақида эълон қилди. Жефф Безос Францияда таътил пайтида унга турмуш қуриш таклифини берди ва 30 каратли 5 миллион долларлик пушти олмосли узукни тақдим этди. 

У қутичани очганида ҳушимдан кетаёздим, деди келин People нашрига.

Безос қиз базмини ҳам ўз зиммасига олди ва севимли аёлини унинг дугоналари билан космосга юборди. Миллиардернинг Blue Origin компанияси Лорен Санчес, Кети Перри ва бошқа америкалик таниқли шахслар бўлган биринчи аёл экипажини тўплади.

Парвоз 11 дақиқа давом этди ва ҳаяжонланган куёв бутун вақтини чексиз осмонга қараб ўтказди. Экипаж Ерга етиб келиши биланоқ Безос уни аллақачон соғиниб қолганини айтиб, дарҳол Санчесга эшикни очишга шошилди.

Кўпчиликни Лорен Санчеснинг эркакларни, айниқса, бой эркакларни ўзига жалб қилиши ҳайратда қолдиради. Марк Цукерберг ҳам бу оловли лотин аёлининг сеҳрини ҳис қилди. Дональд Трампнинг инаугурацияси пайтида миллиардер бўлажак Безос хонимдан кўзини узолмади.

Баъзилар Санчеснинг ёрқин ташқи қиёфасини, жонли характерини ва саргузаштга бўлган иштиёқини таъкидласа, Жеффнинг ўзи бошқа фазилатларни айтади.

Лореннинг ажойиб интуицияси бор, бу борада деярли сеҳрли қобилиятларга эга. У бошқа одамлар кўрмайдиган нарсаларни кўради. У ҳақиқатан ҳам бошқа одамларга ва уларнинг нима ҳақида ўйлаётганига жуда сезгир, дейди Безос

Ҳозирда жуфтлик тўйга жиддий тайёргарлик кўрмоқда. Маросим бир неча ойдан сўнг Венеция яқинидаги хусусий оролда ўтказилади. Меҳмонлар рўйхатида Анна Винтур, Дональд Трамп, Билл Гейтс, бутун Кардашьян оиласи ва кўплаб бошқа машҳурлар бор. Тадбир 2025 йилнинг энг шов-шувли тадбирлари рўйхатига кириши ваъда қилинмоқда.